Azərbaycanın xarici işlər naziri Elmar Məmmədyarov sabah Vaşinqtonda ABŞ Dövlət Katibi Hillari Klintonla görüşəcək. Bu barədə “Azadlıq” radiosuna Dövlət Departamentindən xəbər veriblər. Görüşdə ikitərəfli məsələlər və Dağlıq Qarabağ münaqişəsinin həlliylə bağlı yaranmış vəziyyət müzakirə olunacaq.
İyunun 3-də həmçinin Elmar Məmmədyarovun Vaşinqtondakı Atlantic Council araşdırma mərkəzində keçiriləcək tədbirdə çıxışı gözlənilir. Tədbiri ABŞ-ın Azərbaycandakı keçmiş səfiri, hazırda isə Atlantic Council-ın Avrasiya Mərkəzinin rəhbəri Ross Uilson aparır.
Bu gün isə Elmar Məmmədyarov Vaşinqtonun bir sıra araşdırma mərkəzlərində görüşlər keçirir.
Modern.az
