Türkiyənin xarici işlər naziri Əhməd Davudoğlu Ermənistan prezidenti Serj Sərkisyanla avtobusda görüşüb. Modern.az az “Zaman” qəzetinə istinadən bildirir ki, görüş rəsmi nümayəndə heyətini İtaliyada keçirilən bayram tədbirinə aparan avtobusda baş tutub. Bu barədə Davudoğlu özü məlumat verib. Xarici işlər naziri Azərbaycan prezidenti İlham Əliyevlə də görüşüb və Qarabağ problemini müzakirə edib. Onun sözlərinə görə, münaqişənini tənzimlənməsi üçün Azərbaycan prezidenti qəti və nikbin mövqe tutur.
Davudoğlu həmçinin deyib ki, Türkiyə 25 iyunda keçiriləcək prezidentlərin Kazan görüşündə müsbət irəliləyişlərə nail olunacağına ümid edir.
