Türkiyənin Azərbaycandakı vətəndaşları ölkələrindəki prezident və parlament seçkilərində iştirak üçün iyunun 17-də səs verəcəklər.
Bu haqda Modern.az-a Türkiyənin Azərbaycandakı səfirliyindən məlumat verilib.
Qeyd olunub ki, səsvermə Türkiyənin Azərbaycandakı səfirliyi, Gəncə və Naxçıvan Baş Konsulluqlarında baş tutacaq.
Səfirlikdə səsvermə 10:15-dən 10:30-a qədər mətbuata açıq keçiriləcək.
Səsverməni izləmək istəyən media nümayəndələrinin 14 iyun saat 18:00-a qədər 0124413926 nömrəli telefona zəng etmələri ya da [email protected] mail adresinə adlarını yazmaları lazımdır.
Qeyd edək ki, Türkiyədə 24 iyunda növbədənkənar prezident və parlament seçkiləri keçiriləcək.
