Arxiv
1 Avqust 2018, 15:41 | MÜSAHİBƏ
Orxan Camalın analığı: “O, sanki daha görüşməyəcəyimizi hiss etmişdi” - MÜSAHİBƏ

Dünən Mərkəzi Afrika Respublikasında çəkiliş aparan 3 rusiyalı jurnalist silahlı hücum nəticəsində öldürülüb. Onların arasında əslən azərbaycanlı, Rusiya müsəlmanları arasında böyük nüfuza malik mərhum filosof və ilahiyyatçı Heydər Camalın oğlu Orxan Camal da var.
 

Modern.az saytı faciənin təfərrüatlarını öyrənmək üçün Heydər Camalın sonuncu həyat yoldaşı, Orxan Camalın analığı Gülnar Camaldan qısa müsahibə alıb.


Xatırladaq ki, Gülnar Camal əvvəllər Qalina Norskya ad-soyadı daşıyıb. Milliyətcə rus olan bu xanım 20 il əvvəl İslam dinini qəbul edib və Rusiyada uzun illər “Musulmanka” jurnalının redaktoru vəzifəsində çalışıb. O, mərhum Heydər Camalla birgə daim müsəlmanların müdafiəsində iştirak edib.

 

İlk olaraq, sizə ögey oğlunuzun faciəli ömrü ilə bağlı başsağlığı veririk. Orxan Camalın ölümü ilə bağlı sizdə hansı son məlumatlar var?


- Çox sağ olun. Amma internetdə yayılan informasiyadan əlavə məlumatım yoxdur. Mən də hamı kimi informasiyanı oradan götürürəm. Uzaq ölkə olduğu üçün geniş xəbərlər almaq imkanım yoxdur. Orxan özü də Mərkəzi Afrikaya uçarkən səfəri barədə bizə geniş məlumat verməmişdi. Sadəcə bilirdik ki, o, Afrikada hansısa ölkəyə uçur. Hadisə baş verəndən sonra öyrəndik ki, o, Mərkəzi Afrika Respublikasında “Vaqner” özəl hərbi təşkilatın muzdlu döyüşçülərindən reportaj hazırlamağa gedib.

Sonuncu dəfə Orxanı nə vaxt görmüşdünüz?

- Orxan cümə günü Mərakeşə uçub. Çərşənbə ya da cümə axşamı günü onu sonuncu dəfə görmüşdüm. O bizə qonaq gəlmişdi. Tez getdi. Gedən ərəfədə bizi öpüb-qucaqladı. Maraqlıdır ki, gedəndə çox təsirli sağollaşdı və mən təccübləndim. Sanki o daha görüşməyəcəyimizi hiss etmişdi.


Onun cənazəsi Rusiyaya nə vaxt gətiriləcək?

- Güman ki, onun cənazəsini şənbə günü gətirəcəklər. Cümə günü təyyarə Afrikadan havaya qalxacaq. Bu, çox çətin proseslərdi. Özünüz bilirsiniz, uzaq ölkədən cənazə gətirmək çətindi. Keçmiş həyat yoldaşı, qohumları aktiv şəkildə əlaqədədirlər. Dəfnə hazırlıq prosesləri gedir.

Orxanın Moskvanın Xovanskaya qəbiristanlığında müsəlman sektorunda dəfn olunmasını istəyirik. Dəfn mərasimi müsəlman adət-ənənəsi ilə gerçəkləşəcək. Cənazə namazı Moskvanın əsas məscidində qılınacaq.


- Mərhum həyat yoldaşınız Heydər Camal Almatı şəhərində dəfn olunub. Orxanın atasının yanında dəfn olunması varinatı nəzərdən keçirilirmi?

- Bilirsiniz, bu düzgün olmazdı. Çünki Heydərin həmin ərazilərlə xüsusi bağlılığı var idi. O Pamiri, Tyan-Şan dağlarını çox sevirdi. Müsəlmanlarda qayda var ki, harada ölsən, orada da dəfn olunmalısan. Amma Heydər Afrikada ölsəydi, düşünmürəm ki, orada da basdırılmasını istəyərdi. Heydər mənə tez-tez deyirdi ki, mən ölsəm, Almatıda basdırarsan. Və elə alındı ki, o, məhz bu şəhərdə öləsi oldu. Amma Orxanın həmin ərazilərlə xüsusi bağlılığı yox idi. Digər tərəfdən, Heydərin qəbri ətrafındakı ərazilər tamamilə tutulub. Orxanın keçmiş həyat yoldaşı və oğlu da Moskvada yaşayır və istəyirlər ki, Orxan da yaxın ərazidə dəfn olunsun.


- Məgər Orxan Camalın oğlu var?

- Bəli. Adı Mənsurdu. Onun 12 yaşı var. Ana nənəsinin yanında istirahət edirdi. Təcili Moskvaya uçmalı olub.


- Azərbaycan diasporu hadisədən sonra sizə zəng edib? Yardım təklif ediblər?

- Bizim çoxlu azərbaycanlı dostlarımız var. Tək azərbaycanlı yox, çeçenlər, dağıstanlılar, tatarlar və digər icmalardan zənglər olub. Hamı yardım təklif edir. Heydərin Rusiya müsəlmanları arasında böyük nüfuzu və çoxlu dostları var. Hamı Orxanın cənazəsini gözləyir.

Namidə Bingöl
Vüqar İsmayılov

BU KATEQORİYADAN OLAN DİGƏR XƏBƏRLƏR
+ Arxiv
Nazirlik “Gilan Holding”i məhkəməyə verdi 21 Noyabr 2019, 12:34 “Partiyamızın ömrü uzun olacaq” - YAP-ın icra katibi 21 Noyabr 2019, 12:27 Akif Çovdarovla birgə həbs olunan MTN-nin vəzifəli şəxsi azadlığa çıxıb 21 Noyabr 2019, 12:20 Binəqədidə YAP-ın yaradılmasının 27-ci ildönümü qeyd olunub - FOTOLAR 21 Noyabr 2019, 12:13 Yol polisi sürücülərə müraciət etdi 21 Noyabr 2019, 12:06 Bakıda professor evində ölü tapıldı 21 Noyabr 2019, 11:58 Sarksiyan hakimiyyəti Paşinyana verməsindən PEŞMANDI: “Məni qınıyırlar ki...” 21 Noyabr 2019, 11:48 Məzunlar Azərbaycanı ABŞ-da uğurla təmsil edib 21 Noyabr 2019, 11:47 Hakim vəzifəsinə namizədlər üçün test imtahanı keçiriləcək 21 Noyabr 2019, 11:46  “Azərenerji” yeni sistem yaradır - VİDEO   21 Noyabr 2019, 11:43 “Bu yenilik QHT-Hökumət əməkdaşlığını və dialoqu daha da gücləndirəcək” - Azay Quliyev 21 Noyabr 2019, 11:35 Deputat hökuməti işıq limitinə yenidən baxmağa ÇAĞIRDI: “Buna əsaslar var!” 21 Noyabr 2019, 11:26 Azərbaycanda özəl dedektivlər hansı funksiyanı həyata keçirəcək? 21 Noyabr 2019, 11:25 ATƏT sədri Azərbaycana gəlir 21 Noyabr 2019, 11:20 “Boşanmış ailələrdə uşaqlar zorakılığa məruz qalırlar” - Elmira Süleymanova 21 Noyabr 2019, 11:12 “Zatulinin açıqlamalarına rəsmi cavab verilməsə yaxşıdır” - Rasim Musabəyov 21 Noyabr 2019, 11:08 SSRİ-i niyə dağıldı? - Putinlə Qorbaçov POLEMİKAYA girdi 21 Noyabr 2019, 11:06 Şəhid adından istifadə edən dələduz AXTARILIR 21 Noyabr 2019, 11:00 “Paşinyana yaxşı suallar hazırlamışdıq” - Milanda azərbaycanlı tələbələrə İMKAN VERİLMƏYİB 21 Noyabr 2019, 10:56 Ermənilərə qarşı mübariz, müəmmalı şəkildə ölən hüquqşünas - DOSYE 21 Noyabr 2019, 10:40 Sabunçuda işığın kəsilməsinin səbəbi açıqlandı 21 Noyabr 2019, 10:30 Bakıda avtobus qəzası: 6 nəfər xəsarət aldı - YENİLƏNİB - FOTO 21 Noyabr 2019, 10:25 Bakıda bu yollarda sürət həddi endirildi 21 Noyabr 2019, 10:22 Bakıda iki uşağın üzərinə qaynar su töküldü 21 Noyabr 2019, 10:15 “Instagram” qaydalarını pozan tətbiq silindi 21 Noyabr 2019, 10:13 Fərman Salmanov adına təqaüd RƏSMİLƏŞDİ 21 Noyabr 2019, 10:04 General Yaşar Büyükanıt vəfat etdi 21 Noyabr 2019, 10:02 Təhsil Nazirliyinin İdarəetmə Qrupunun vəzifələri bilindi - QƏRAR 21 Noyabr 2019, 09:59 Rektor tələbələrə daha 10 tövsiyə verdi: “Tanrıya şükür edin” 21 Noyabr 2019, 09:47 Bakıda ana və iki azyaşlı uşağı dəm qazından ZƏHƏRLƏNDİ 21 Noyabr 2019, 09:44 Ombudsmanın mətbuat katibi işdən çıxdı 21 Noyabr 2019, 09:39 Ermənistan atəşkəsi 22 dəfə pozub 21 Noyabr 2019, 09:36 Çoxuşaqlı müğənnilər - Xuraman, Elnarə, Gülyanaq və digərləri...   21 Noyabr 2019, 09:21 Bir şəklin tarixçəsi: İsa Qəmbərlə Məzahir Pənahovun “Seçki DUELİ” 21 Noyabr 2019, 08:37 Azərbaycanda ipoteka kreditləri: Kənarda qalanlar, güzəşt olunanlar... 21 Noyabr 2019, 08:29