Siyasi partiya bələdiyyə seçkilərində iştirakdan imtina etdi. Modern.az Türkiyə mediasına istinadən xəbər verir ki, Türkiyənin Hür Dava (HÜDA) Partiyası mart ayında keçiriləcək bələdiyyə seçkilərində iştirak etməyəcəyini açıqlayıb.
Partiyanın sədr müavini Mahmut Şahin bildirib ki, seçki təcrübələri və təşkilatın mövcud vəziyyətini nəzərə alaraq belə bir qərar veriblər: “Yeni bir seçkiyə daxil olmağın təşkilatlarımızın tamamlanması, planlaşdırılan hədəflərə çatmaq üçün maddi cəhətdən mənfi təsirlərinin olacağı qənaətinə gəlmişik. Bu səbəbdən seçkilərdə iştirakdan imtina qərarı verdik”.
