Milli Məclisin Beynəlxalq münasibətlər və parlamentlərarası əlaqələr komitəsinin sədri, parlamentin Avropa Şurası Parlament Assambleyasındakı daimi numayəndə heyətinin rəhbəri Səməd Seyidov AŞPA-nın Büro, Siyasi işlər və Monitorinq komitələrinin iclaslarında iştirak etmək üçün dekabrın 13-də Parisə gedib. Bu barədə Modern.az-a Milli Məclisin mətbuat xidmətindən məlumat verilib.
Dekabrın 18-dək davam edəcək iclaslarda Avropada demokratiyanın bu günü, Yaxın Şərqdə, Belorusda, Moldovada vəziyyət, parlament diplomatiyasının təşviqi, Albaniyada, Bosniya-Herseqovinada demokratik təsisatların fəaliyyəti, ekstremizmlə mübarizə, Azərbaycanda ümumi vəziyyət, Ermənistanda 2008-ci il 1-2 mart Yerevan hadisələrinin araşdırılmasına dair yaradılmış xüsusi komitənin hesabatı və digər mövzularda fikir mübadiləsi aparılacaq.
Səməd Seyidov müzakirəyə çıxarılacaq məsələlərlə bağlı çıxış edəcək, fikirlərini bildirəcək.
