Ermənistanın sabiq prezidenti Robert Koçaryan yenidən həbsə göndərilib.
Modern.az Ermənistan KİV-nə istinadən xəbər verir ki, məhkəmə mayın 18-də onun zaminə buraxılması barədə qərarı ləğv edib.
Qərarı Apellasiya məhkəməsinin hakimi Danielyan elan edib.
“Birinci instansiya məhkəməsinin 2019-cu il 18 may qərarı ləğv olunsun. Robert Koçaryana münasibətdə zaminə durmaqla bağlı qərar qüvvədən düşmüş sayılsın və yenidən həbs edilsin!”- deyə hakim hökmü oxuyub.
Apellasiya məhkəməsinin hökmündən 15 gün ərzində şikayət oluna bilər. Robert Koçaryan və vəkilləri məhkəmə prosesinə qatılmayıblar.
Koçaryan 2008-ci il 1 mart aksiyaları zamanı mitinq iştirakçılarına qarşı güc tətbiq etməyə göstəriş verməkdə və 10 insan ölümündə ittiham olunur.
