Dünya bazarında 20 ildir ki, fəaliyyət göstərən İsveçrənin “Henley & Partners” şirkəti 2019-cu ildə vizasız səfər etməyə imkan verən pasportların yeniləmiş siyahısını təqdim edib.
Modern.az xəbər verir ki, pasportu 66 ölkəyə vizasız getməyə imkan verən Azərbaycan siyahıda 78-ci pillədə qərarlaşıb.
Gücünə görə Azərbaycan pasportundan geri qalan Ermənistan isə 60 ölkəyə vizasız səfər etməyə imkan verdiyi üçün 84-cü pillədə yerləşib.
Vətəndaşlarının 116 ölkəyə vizasız səfərinə şərait yaradan Rusiya pasportu 51-ci, 113 ölkəyə səfər etməyə imkan verən Gürcüstan pasportu 52-ci, 75 ölkəyə səfər şəraiti yaradan Qazaxıstan və Belarus isə 69-cu pilləni bölüşdürürlər.
Ən güclü pasportların reytinqinə əvvəllər olduğu kimi Yaponiya və Sinqapur (189 ölkə) başçılıq edir. 2-ci pillədə isə Almaniya, Finlandiya və Cənubi Koreya (187 ölkə) yer alıb.
