Ukraynaya orta mənzilli raketlər lazımdır ki, Moskvaya və Sankt-Peterburqa zərbələr endirə bilsin.
Modern.az saytının Ukrayna KİV-nə istinadən verdiyi məlumata görə, bunu təhlükəsizlik məsələləri üzrə ekspert, xarici kəşfiyyat veteranı, general-leytenant Vasiliy Boqdan bildirib.
V.Boqdanın sözlərinə görə, əgər Ukraynanın arsenalında orta mənzilli raketlər olsa, onların nüvə yükünə malik olması şərt deyil.
“Bunun üçün isə perspektiv olmalıdır. Ukraynanın hərbi-siyasi rəhbərliyi bunun üzərində intensiv işləməlidir”-V.Boqdan belə hesab edir.
Ekspert bildirib ki, Rusiyanın “Orta və kiçikmənzilli raketlərin ləğvi” haqqındakı müqavilədən çıxması Ukrayna üçün şans yaradır.
“Moskva ilə Sankt-Peterburq kimi şəhərləri vura biləcək raketləri hazırlamaq üçün Ukraynanın əlləri açılıb”-deyə o əlavə edib.