Bildiyimiz kimi, ötən günlərdə əməkdar jurnalist Elnarə Dərziyevanın qardaşının evi qarət olunmuşdu. Elnarə Dərziyeva "Facebook" hesabında hadisə ilə bağlı foto və məlumatlar paylaşaraq bildirib ki, Binəqədi rayonundakı evdən qızıl-zinət əşyaları oğurlanıb.
Modern.az-ın əməkdaşı məsələnin həll olunub-olunmaması ilə bağlı Elnarə Dərziyeva ilə əlaqə saxlayıb.
“Hələ də eyni vəziyyətdədir. Bayaq Bakı Şəhər Baş Polis İdarəsi ilə danışmışam. Hələ də mənə eyni cavablar verilir – “araşdırmalar aparılır, hər şey yaxşı olacaq, narahat olmayın” deyirlər”. Axı mən necə narahat olmayım?! Hadisənin üstündən artıq 2 həftə keçib, amma bir xəbər yoxdur. Məsələ həll olunan kimi mediaya bildirəcəm”.
