Arxiv
28 Aprel 2020, 08:23 |
Vladimir İliç Ulyanov... - Kim idi o: dahi, manyak, sadist, diktator, yoxsa...

150 təxəllüsü olan və bü təxəllüslər arasında sadəcə, "Lenin" kimi dünyaca tanınan, hətta bəşəriyyətin tarixini belə, dəyişməyi bacaran bir insan.


Kim idi o: dahi, manyak, sadist, bisavad, homoseksual diktator, yoxsa...


Dahi idi - sözsüz.


Sadistdi - bu da bəlli.


Bisavad deyildi əsla. 19 yaşından etibarən masa arxasında saatlarla oturub yazırdı. Müstəsna istedadlı polemist, jurnalist, təşkilatçı və siyasətçi idi.


Homoseksualmı? Xeyr, ağ yalandır bu iddia. Rusiyalı "araşdırmaçı", tarix elmləri namizədi İ.Sokolovun "B-" kateqoriyalı bir saytda dərc etdirdiyi məqaləsindədir bu iddia.


Ciddi və nüfuzlu tarixçilər üçün Sokolovun iddiaları sərsəmlikdir, epataj cəhdidir, istiosofluq, primitiv "hayp" yığmaq istəyidir.


Sokolov yazısında Leninqrad vilayət partiya komitəsinin birinci katibi, ÜKP (b) MK-nın Siyasi Bürosunun üzvü Qriqori Zinovyevin (əsl ad-soyadı Gerşl Radomışlski) məktublarına istinad edir, amma o istinadlar əsassızdır.


Üstəlik, müəllif guya Lev Trostksinin (Leyba Bronşteyn) də "Leninin məşuqu" olduğunu iddia edir.


Belə absurd iddialara vaxt ayırmaq belə istəməm, çünki ayıbdır sadəcə: tarixdən və faktlardan çox uzaqdırlar çünki.


Tam əksinə, Vladimir İliç Ulyanov-Leninin çoxsaylı məşuqələri vardı, o, xanımı Nadejda Krupskayaya sürəkli xəyanətlər edirdi.


24 yaşına qədər Sankt-Peterburqda vəkillik edən, amma həyatının sonunadək pul qazana bilməyən Leninə anası Mariya Aleksandrovna və böyük bacısı Anna daim pul yollayırdılar.


Lenin Sibirdə olarkən sevdiyi və evləndiyi Krupskayanı sürgün başa çatan kimi "dost, yoldaş" qismində görür.


Nadejda Krupskaya səhhətindəki problemlərdən dolayı, ana ola bilməyəcəyini anlayanda isə depressiyaya qapılır.


Onlar birlikdə yaşasalar da, Krupkskaya əri ilə arasında uçurum yarandığını görürdü.


Lenin məşuqələrini sıralayırdı. Onların arasında inqilab liderinin ən ciddi hisslər duyduğu xanım İnessa Armand idi. Krupskaya bunu bilirdi, ərinə "siz ikilikdə yaşayın, kimsəyə bir kəlmə demərəm" söyləyirdi. Lenin razılaşmırdı və onlar faktiki olaraq, üçlükdə yaşamağa davam etdilər.


Digər maraqlı məqam: bolşevik təbliğat maşını onillər boyu Lenini "qadın azadlığının carçısı" kimi təqdim edib, çağdaş feministlər də belə düşünürlər.


Onlar necə də yanılırlar...


"Qadınlar olmadan kütləvi inqilabi hərəkat mümkün deyil", - Lenin bu sözləri təkrarlamağı çox sevirdi. Gerçəksə budur ki, Lenin qadınların sadəcə, əmək prosesində daha geniş iştirakını istəyirdi.


O, feminizmə nifrət edirdi.


Lenin yazırdı: "Qadınlara cinsi azadlıq tələb edənləri anlamıram və anlamağa da çətinlik çəkirəm. Hesab edirəm ki, tam əksəriyyəti xaotik, qarışıq hipotezlər olan bu "nəzəriyyələr" bəzi qadınların öz anormal və ya hipertrofiyaya uğramış zavallı həyatlarına burjua mənəviyyatı qarşısında bəraət qazandırmaq cəhdləridir. "Qadınların cinsi azadlığı" barədə qışqırtılar, "Vücud qadınındır, nə istər, edər" bağırtıları fikrimcə, burjua bordelinin davamıdır. Kommunizm əxlaqsızlıq deyil".


O, feminizmin məşhur apologeti Klara Setkinə demişdi: "Yetər artıq! Həyatım boyu bir ağılllı qadın görmədim ki, əxlaqını ideyaya qurban verib bundan həzz alsın".


Lenin Freydi də ciddi alim saymırdı: "Vyanadakı gənc yoldaşın cinsi məsələ ilə bağlı broşürası indi populyardır.

Sarsaqlıqdır! Freydin hipotezləri ilə bağlı diskussiyalar bu səfsəfələr "mədəni" və hətta elmi görüntü verir. Halbuki Freydin yazdığı bəsit, vulqar məktəbli cızmaqaralarıdır".


Vladimir Ulyanov-Leninin şəxsi həyatı barədə, məncə, yetər. Onun tərcümeyi-halı, əsli və nəsli, bir sözlə, yaşamı barədə İnternetdə bəs deyincə fərqli materiallar, iddialar var.


Ol səbəbdən mənə darıxdırıcı gələn mövzulara izafi vaxt ayırmaq istəməm.


Keçən Leninin kimliyinə.


Lenin diktator idi? Bəli. Amma məhz onun sayəsində Qafqaz, Orta Asiya və habelə, Rusiyanın ucqarlarındakı müsəlmanlar sürətli inkişafa başladılar.


Məhz Leninin sayəsində Türkiyə Cumhuriyyəti məhv olmadı, Azərbaycan orta əsrləri feodal yaşamından, qəbilə adətlərindən və tayfa düşüncələrindən sosializmə adladı. Məhz Leninin bünövrəsini qoyduğu quruluş sayəsində Azərbaycan Şərqin ən inkişaf etmiş cəmiyyətlərindən birinə sahibləndi: pis, ya yaxşı dəyərləndirmədən asılı olmayaraq belədir.


... Lenin anasının məzarının yanında dəfn olunmasını vəsiyyət etmişdi. Amma artıq bir əsrdir ki, onun balzamlaşmış, mumiyalaşdırılmış cəsədi Moskvadakı Qızıl Meydanda, Mavzoleydədir. Onu basdırmaq istəmir Rusiya hakimiyyəti. Səbəb - SSRİ dönəmləri üçün nisgillə yaşayan elektoratı təbdən çıxarmamaq. Təbii, Rusiya hakimiyyəti sovetofil elektoratla hesablaşmaq məcburiyyətindədir.


Lakin sırf siyasi səbəblərdən savayı, mistik vəsilələr də var. İş ondadır ki, Lenin tam ölmədiyinə görə dəfn olunmayıb.
Onun hələ tam ölməməsi isə hələ də gerçəkdən anlaşılmaması ilə bağlıdır.


O, Rusiyada gerçəkdən də, nə etmək istəyirdi? Rusiyanı nəyə çevirmək istəyirdi? Vətəndaş savaşı və hərbi kommunzmlə viran edilmiş sivilizasiyanın əvəzinə nə yaratmaq fikrində idi? Proletariat diktaturasından bəhs edəndə nəyi nəzərdə tuturdu? "Kommunizm - sovet hakimiyyəti üstəgəl bütün ölkənin elektrikləşdirilməsi" deyiminin məğzi nə idi?


Leninin yazdıqlarının tam əksəriyyəti sırf tətbiqi siyasi maraq kəsb edir. O, həmişə usta oyunçu kimi davranıb. Məsələn, "Materializm və empiriokritisizm"i Boqdanovla adamlarını partiyadan atmaq üçün yazmışdı. "Nə etməli?"ni "iqtisadçı"lardan və səbatlı olmayan "iskraçı"lardan qurtulmaq üçün ərsəyə gətirmişdi. "Dövlət və inqilab"ı isə Müvəqqəti Hökumətin səfərbərlik imkanlarını alt-üst etmək üçün qələmə almışdı.


Bəs şəxsən onu nə cəlb edirdi, qarşısına nə məqsəd qoymuşdu? Axı niyə o, əla savadlı zadəgan, Qazan Universitetinin məzunu proletariat diktaturası arzulayırdı?


Ziyalılar, "intelligent"lər, professorlar, publisistlər Leninin interpretasiyasındakı sosial-demokratiyaya niyə can atdılar? Axı Leninin ideologiyası onların ali idarəetməyə buraxılmasını nəzərdə tutmurdu...


Yaxşı, fərz edək ki, Rusiyanın düşünərləri, aydınları çar rejimini sevmirdilər. Belədirsə, niyə liberallara, kadetlərə qatılmırdılar? Lap sosialist dünyagörüşlü olsalar da, "xalq sosialisti" və ya "ziyalıların xüsusi missiyası"na sidq-ürəkdən inanaraq eser ola bilərdilər?


Nə üçün onlar gerçək sosial mənşələrindən imtina edərək proletariat partiyasını yaratdılar? Axı bu partiyanın liderlərinin tam əksəriyyətinin proletarlarla heç bir əlaqəsi yoxdu...


Fikrimcə, bolşevizmin və leninizmin əsl mübhəmi də elə budur. Gərçi sadalanan sualllara cavab tapa bilsək, 20-ci əsrdə Avrasiyanın nəhəng ərazisində yüz milyonlarla insanın başına gətirilmiq sosial eksperimentin mahiyyətini dərk edə bilərik.
Ümumiyyətlə, proletarlar kimlərdir?


Zavod və ya fabriklərdə dəzgah arxasında duran adamlar, yoxsa o dəzgahları ixtira edən, layihələndirən intellektuallar? Belədirsə, onda "proletariat diktaturası" ideyasına fərqli prizmadan baxmalı deyilikmi?


Yəni Lenin ideologiyası sənayenin ən aşağısındakı insanların diktaturası yox, elmi-texniki ziyalıların, fəhlələrə istinad edən, amma ali məqsədlərə istiqamətlənən insanların avtoritar hakimiyyəti olmalı idi?


Ali məqsəd isə elmin daimi və qarşısıalınmaz tərəqqi etdiyi, heç bir merkantil iqtisadi hesablamalar, sosial müvazinət, dini tabularla ağırlaşmamış cəmityyətdir.


Belə cəmiyyətdə insanlar əzələ gücünün ön planda olduğu aşağı səviyyəli iqşlərdən daha yüksək strataya, intellektual mərhələyə keçirlər. Həm də istehsalın avtomatlaşdırılması və robotlaşdırılması, kütləvi təhsilin miqyasının genişləndirilməsi, kadrların peşə hazırlığının artırılması və s. hesabına.


Leninin ideyalarını indiki dövrə uyğunlaşdırsaq, "tovariş" Ulyanovun proletariat diktaturasının ən yaxın analoqu elmin cəmiyyətin bütün sahələrini idarə etməsi olardı.


Belə cəmiyyətin ilkin, konseptual forması Struqatski qardaşlarının və Kastanedanın əsərlərində var.


Ona görə də Lenin ölməyib. O, 17-ci əsrin böyük utopisti Frensis Bekonu tanımasalar belə, ideal Yeni Atlantidada - sakinlərinin hamısı alim olmayıbb darıxdırıcı işlə məşğul olsalar da, elmi biliklərin tərəqqisi üçün çalışıb yaşayan insanların cəmiyyətində ömür sürmək istəyən zəhmətkeşlərin arzularında və ümidlərindədir.


Məhz buna görə, diktatura formatında və sovet hakimiyyəti vasitəsilə Yeni Atlantida yaratmaq istəyi nəhəng məkanda hərbi aristokratiyanın, kazakların, tacirlərin, bəylərin, din xadimlərinin qırğınlarına səbəb oldu. Leninin utopiyasında bu insanlara yer yox idi.


Leninin ölümündən sonra isə zəhmətkeş kəndlilərə "qolçomaq" adı ilə divan tutuldu.


Sonuc da bu oldu ki, 1930-cu illərdə marksist ziyalıların ən siyasiləşmiş hissəsi dəhşətə gələrək anladı ki, axırına çıxdıqları həmin tabanların yoxluğu şəraitində yırtıcı və amansız yeni nomenklatura ilə üzbəüz qalıblar.


O nomenklatura isə bəlalarının əsas səbəbkarı qismində məhz ziyalıları görən, yoxsul kəndli mənşəli adamlardan ibarətdi.
Rus yazıçı Bulkaqov bu dilemmanı "İt ürəyi" əsərində dahiyanə şəkildə göstərib: Şarikovla professor Preobrajenskinin timsalında.


Sosial arzuya birbaşa yolun sonu, Yeni Atlantida axtarışları həmişə belə olur.


Leninin tərəfdarları çox sonradan anladılar ki, arzularında zadəgan ləyaqəti (zadəganlarla birlikdə getdi), iqtisadi bacarıq və fərasət (tacirlərlə birlikdə məhv oldu), transsendent həqiqət hissi (divan tutulub sakitliyə çəkilmiş ruhanilərdə qaldı) çatışmır.


Bu utopiyanın divan tutduğu hər taban hegemon sinifdən qisas alır.


Tarixdə qısa yol həmişə ən təhlükəli yoldur.


20-ci əsrin sonlarında Tarix hamımızı xilas etdi.


Düşünmürəm ki, Tarixin rəhmi sonsuzdur və 21-ci əsrdə də bizi səhvdən qoruyacaq.


Növbəti yüngül sosial qələbə iştahının öhdəsindən özümüz gəlməliyik.

BU KATEQORİYADAN OLAN DİGƏR XƏBƏRLƏR
+ Arxiv
Xüsusi karantin rejim qaydalarını pozan şəxs polisə müqavimət göstərdi - FOTO 7 İyun 2020, 11:04 Milli Paralimpiya Komitəsinin sabiq vitse-prezidenti vəfat etdi 7 İyun 2020, 10:58 Azərbaycanda COVİD-19-a yoluxmanın pik həddi  -  STATİSTİKA 7 İyun 2020, 10:54 Rza İbadov Bakıya niyə qayıda bilmir? - SƏBƏB 7 İyun 2020, 10:46 Qonşu ölkədə koronavirusa yoluxanların sayı 809-a çatdı 7 İyun 2020, 10:34 Bu ölkədə bir gündə 904 nəfər pandemiyanın qurbanı oldu 7 İyun 2020, 10:28 Qazaxda 10 yaşlı qızı avtomobil vurdu 7 İyun 2020, 10:18 Son bir gündə 1 168 hərəkət iştirakçısı inzibati məsuliyyətə cəlb edildi 7 İyun 2020, 10:08 Fransada irqçiliyə qarşı aksiyaya 23 min insan qatıldı  7 İyun 2020, 10:02 Qırğızıstanda koronavirusa yoluxanların sayı 2 min nəfəri keçdi 7 İyun 2020, 09:58 Qarabağ cəbhəsində gərginlik - snayperlər işə düşdü  7 İyun 2020, 09:50 Azərbaycanda koronavirusla bağlı SON DİNAMİKA-Bakıda yoluxma artıb - FOTO 7 İyun 2020, 09:42 Ailəsi erməni roluna çəkilməsinin əleyhinə olub - Mənfi tiplərin mahir ifaçısı - MƏLİK DADAŞOV 7 İyun 2020, 09:40 Bakının yolları xüsusi kimyəvi maddələrlə yenidən yuyulur 7 İyun 2020, 09:31 Ermənistanın təzə yalanının köhnə sirri - Qazaxdan bu ölkənin böyük bir hissəsinə nəzarət edilirmiş 7 İyun 2020, 09:23 Bir millətin iki diasporu ola bilməz – Azərbaycan və Türkiyə diasporunun Yol xəritəsi 7 İyun 2020, 09:12 Koronavirusa yoluxmuş tibb bacısı müalicədən imtina etdi 7 İyun 2020, 09:05 Dünyada koronavirusdan ölənlərin sayı 400 mini keçib 7 İyun 2020, 08:59 Bu ölkədə də COVID-19 qurbanlarının sayı artdı 7 İyun 2020, 00:56 41 yaşlı kişi damarlarını doğradı 7 İyun 2020, 00:42 Qazaxıstan “OPEK +” sazişinin müddətinin uzadılmasını dəstəkləyib 7 İyun 2020, 00:28 Üzərinə şkaf aşan 2 yaşlı uşaq öldü 7 İyun 2020, 00:12 Karantini pozanlar polisi görüb evlərinə belə qaçdı - VİDEO 6 İyun 2020, 23:57 Bu ölkədə COVİD-19 qurbanlarının sutkalıq sayı 72 nəfərədək azaldı 6 İyun 2020, 23:45 Xırdalanda yaşayış binasında yanğın 6 İyun 2020, 23:33 Bundesliqada yeni rekord vuruldu 6 İyun 2020, 23:20 Bu gün Azərbaycanda 5811 nəfər koronavirus testindən keçdi 6 İyun 2020, 23:13 İmişlidə qadını elektrik cərəyanı vurraraq öldürdü 6 İyun 2020, 22:58 Neftçalanın kəndlərində içməli su problemi – Operativ Qərargah yaradıldı 6 İyun 2020, 22:47 Azərbaycan neft hasilatının ixtisar müddətinin uzadılmasına razılıq verdi 6 İyun 2020, 22:39 Sülhəddin Əkbərin vəzifə iddiası Elçibəyi narazı salmışdı - Arif Hacılıdan AÇIQLAMALAR - QALMAQAL 6 İyun 2020, 22:38 Türkiyədə koronavirusdan daha 21 nəfər öldü 6 İyun 2020, 22:26 Sumqayıtda kütləvi dava: 2 nəfər öldü 6 İyun 2020, 22:16 Meyiti öz evindən çıxdı 6 İyun 2020, 22:06 Sumqayıtda bıçaqlanan şəxs hadisə yerində öldü 6 İyun 2020, 21:58