ABŞ prezidenti Donald Tramp növbəti dəfə Çini koronavirusu yaratmaqda ittiham edib.
Modern.az xarici KİV-ə istinadən xəbər verir ki, jurnalistlərin qarşısına çıxan ölkə rəhbəri virusun Çinin Uxan şəhərindəki laboratoriyada yaradıldığını söyləyib.
“Virusun Uxan şəhərində laboratoriyada yaradılmasına dair sübutlarımız var”- deyə o söyləyib.
Tramp hansı sübutlarının olduğunu açıqlamayıb. Maraqlıdır ki, ABŞ Milli Kəşfiyyatı koronavirusun süni yaxud genetik modifikasiyaya malik olmadığını açıqlamışdı.
