Arxiv
21 May 2020, 09:02 | REPORTAJ
“Heç kimə belə ömür arzulamıram...” - Vəfa Fətullayeva öz ölümündən “YAZIB”

Bu gün – 21 may tarixi Əməkdar artist, Dövlət mükafatı laureatı mərhum Vəfa Fətullayevanın anım günüdür.

Modern.az-ın məlumatına görə, Vəfa Fətullayeva 1945-ci il avqustun 25-də Bakıda görkəmli sənətkarların ailəsində anadan olub. 1970-ci ildən Akademik Milli Dram Teatrında çalışıb. İlk dəfə uşaq olarkən çıxdığı doğma səhnəyə ömrünün sonunadək sadiq qalıb. Milli Dram Teatrının səhnəsində İ.Əfəndiyevin "Məhv olmuş gündəliklər" əsərində Fəridə, "Mahnı dağlarda qaldı" tamaşasında Gülgəz, M.F.Axundzadənin "Müsyö Jordan və dərviş Məstəli şah" komediyasında Şərəfnisə, M.İbrahimovun "Kəndçi qızı" əsərində Bənövşə, Anarın "Sizi deyib gəlmişəm" tamaşasında Zeynəb və s. maraqlı obrazlar yaradıb. 

Yaradıcılığının çiçəklənən dövründə ağır xəstəliyə - xərçəngə düçar olan aktrisa 1987-ci il mayın 21-də, 42 yaşında vəfat edib. 

Vəfa Fətullayva Zaur Nağıyev adlı şəxslə ailə qurmuşdu. Amma tez bir zamanda ayrılmışdılar və övladları olmamışdı. Aktrisanın sonralar sevənlər olsa da, o, inci dəfə ailə qurmamışdı.

Qeyd edək ki, Vəfa Fətullayeva görkəmli aktrisa, SSRİ Xalq artisti Hökumə Qurbanova və Xalq rəssamı Nüsrət Fətullayevin övladıdır.


Modern.az saytı mərhum aktisanın dilindən yazılmış yazını təqdim edir:

- Bu gün may ayının 21 ci günüdür... Həmin gün dünyada hansı hadisələrin baş verdiyini xatırlamıram... Bəlkə də adi günlərdən biridir... Mənim üçün isə mayın 21-i ölüm günü kimi tarixə yazılacaq... Bu gün mənim hayatımın 42-ci ilinin son günü olacaq... 1945-ci ildən başlayan ömür yolum, bu gün bitəcək... Yox, təkcə ömür yolum deyil, həm də bütün arzularım məhv olacaq... Xatirələrim qurumuş payız yarpağı kimi od tutub yanacaq... Bilirsiz, necə gözəl arzularım vardı?!.. Hələ uşaqlıq illərimdən qalan və həyata keçməyən neçə-neçə arzularım, bu gün mənimlə birgə torpağa qərq olacaq... Düşünürdüm ki, hələ həyatım qarşıdadır, çox işlər görə bilərəm... Demə hayat yanımdan ötüb keçib, mən isə onu görməmişəm...

Xəstəxanada yatdığım günlərdə özüm-özümlə "Gültəkin"i məşq edirdim, sözlərini əzbərləyirdim... İnanırdım ki, tezliklə sağalacam və yenidən həyatım qədər sevdiyim teatrın səhnəsinə çıxacam... Ən çox sevdiyim hətta həsrətində olduğum "Güntəkin"i oynayacam... Ömür vəfa etmədi... Hər dəfə mən bu rolun sözlərini oxuyanda anam palatadan çıxırdı, qayıdanda isə nə qədər gizlətməyə çalışsa da, gözlərində yaş olduğunu görürdüm... Demə anam hiss edirmiş bu rolu oynamaq mənə qismət olmayacaq, ona görə də ağlamaq tuturdu onu, mən görməyim deyə dəhlizdə dayanırdı... Biz ikimiz də eyni xəstəlikdən əziyyət çəkirdik... İkimizin də ağrıları eyni olurdu... Anam öz ağrılarını biruzə verməsə də, mən bunu bacarmırdım... Çünki mən onun kimi güclü deyildim... Bəzən elə ağrılarım olurdu ki, yatağımda ilan kimi qıvrılırdım...

Xəstəxanada yatdığım üç ay ərzində mən nələr yaşadım, nə əzablar çəkdim, bunu anamdan başqa heç kim bilmədi... Anamla biz bir palatada yatırdıq... Səhərə qədər gözümə yuxu getmirdi, ağrılarım dözülməz həddə çatmışdı... Anam üzü pəncərəyə tərəf uzanar, uşaq kimi ağlayardı... Mən ölümdən heç vaxt qorxmadım... Bircə anama yazığım gəlirdi, qorxurdum ki, ölərəm, itirərəm onu... İndi biz yenə də bir yerdəyik, daha heç nədən qorxmuram...

Həkimim Susana xanım hər gün işə gələndə birinci mənə baş çəkirdi, görəndə ki, oyağam, bilirdi ki, gecəni yatmamışam... Deyirdi, "Axı belə olmaz, sən yatmalısan. Belə getsə apardığımız müalicənin heç bir nəticəsi olmayacaq"... Hələ bacım, yazıq Nailə mənim üçün nələr etmədi... Mən bacıma ömrüm boyu borclu qaldım... O məni dünyalar qədər sevirdi... Nailə də elə mənim kimi tənha idi, ancaq onun heç olmasa övladı vardı, mənim isə heç kimim qalmadı... Bu idi məni yandıran, mənə əzab verən... Mən heç kimə belə bir ömür arzulamıram...

Atam yazıq heç bilmirəm necə dözdü bu dərdə... Hər gün gəlirdi yanıma, oturardıq, saatlarla söhbət edərdik, mənə təsəlli verərdi... Son vaxtlar yaman kövrək olmuşdu, özünü güclə saxlayırdı, yanımda ağlamasa da,  səsindəki titrəyişi gizlədə bilmirdi... Mən onun sinəsinə ömrünün ahıl çağında böyük bir dağ çəkdim... Atam məni dünyalar qədər çox istəyirdi... Mən nə günlər gördüm, İlahi... Kənardan nə qədər xoşbəxt görünsəm də, mən bədbəxt qadın olmuşam...

Son günlərimdə yavaş-yavaş unudulduğumu hiss edirdim... Dostlarım, özümə yaxın bildiyim insanlar getdikcə məndən uzaqlaşmağa başladı... Xəstəxanada hər səhər özümü səhmana salırdım, saçalarımı darayırdım ki, yanıma gələn olsa, məni pis vəziyyətdə görməsin... Ancaq elə vaxt olurdu ki, günlərlə, hətta həftələrlə palatamın qapısını açan olmurdu... Bilirsiz, xəstəxana elə bir yerdir ki, insanın gözü hər an qapıda qalır... İstəmədən belə yenə də kiminsə gəlişini gözləyirsən... Düzdür, sənət yoldaşlarımdan bəziləri hərdən yanıma gəlirdi, bəlkə də xala-xətir qalmasın deyə... Sonradan isə mən özüm heç kimi görmək istəmədim...

İnsanların bu qədər vəfasız olduğunu gec başa düşdüm... Çox gec başa düşdüm... Zaur bir dəfə mənə demişdi "Vəfa, sən tək qalacaqsan", elə də oldu... Mən sonda tək qaldım... Buna hətta sevinənlər də oldu... Sanki məndən kiminsə qisasını almağa çalışırdılar... Bilmirəm harda səhv etdim, harda günah işlətdim ki, Allah bunu mənə bağışlamadı... Əslində bilirdim... Həyatımın ən böyük səhvini 1969-cu ildə etmişdim, ancaq bunu mənim gəncliyimə, cavanlığıma bağışlamaq olardı... Ancaq mən bu səhvi özümə heç vaxt bağışlamadım, heç vaxt...

Həyatımın son aylarında yalnız o gəlirdi yanıma... Mən o insanın adını deməyəcəm... Biz iki il olardı ki, tanış olmuşduq, onu deyə bilmərəm, ancaq mənim həmin insana qarşı dost münasibətim vardı... O, son günlərimə qədər mənim yanımda oldu... Hər dəfə deyirdim ki, xahiş edirəm gəlmə, istəmirəm məni bu halda görəsən... Ancaq o mənim etirazıma baxmayaraq yenə də gəlirdi, son günümə qədər də gəldi... Yox o insan nə Zaur idi, nə də Fuad... Yaxınlarım onun kim olduğunu yaxşı bilir... Birdə ki, onun adını söyləməyin artıq heç bir mənası yoxdur... Keçdi o günlər, çoxdan keçdi...

Mən anamın qolları üstə keçinmişəm... Ölümün üzünə gülə-gülə...Həmin vaxt palatada anamdan başqa heç kim olmayıb... Bu gün mənim həyatımın son günü olacaq, 1987-ci il may ayının 21-i səhər saat 4 radələri... Mən bir də nə danışacam, nə sevəcəm, nə də ki...

BU KATEQORİYADAN OLAN DİGƏR XƏBƏRLƏR
+ Arxiv
İranda 7 942 nəfər koronavirusun qurbanı oldu 3 İyun 2020, 00:58 Göyçayda zəncirvari qəza: xəsarət alanlar var 3 İyun 2020, 00:49 İtaliyada COVİD-19 qurbanlarının sayı 33 530 nəfərə çatdı 3 İyun 2020, 00:36 300-dən çox iğtişaşçı saxlanıldı 3 İyun 2020, 00:24 Bu ölkədə son sutkada koronavirusdan ölüm olmadı 3 İyun 2020, 00:11 Azay Quliyevdən müraciət: “Həm özümüzü, həm də ətrafdakıları qorumağı bacarmalıyıq” 2 İyun 2020, 23:55 Həftə sonu imtahan verəcək şagirdlərə XƏBƏRDARLIQ 2 İyun 2020, 23:27 Azərbaycan Avtomobil Yolları Dövlət Agentliyində kadr dəyişikliyi 2 İyun 2020, 23:13 Azərbaycan iqtisadiyyatında müsbət artım var 2 İyun 2020, 22:59 Bakıda jurnalist koronavirusdan SAĞALDI 2 İyun 2020, 22:47 Türkiyə korona peyvəndinin istehsalına başladı 2 İyun 2020, 22:37 Tibbi maskadan məcburi istifadə edilməli yerlər - SİYAHI 2 İyun 2020, 22:26 Bu ölkədə azarkeşlərin stadiona girişinə icazə verildi 2 İyun 2020, 22:18 Korrupsiyaya qarşı mübarizə üzrə Komissiyanın üzvləri bəlli oldu - SİYAHI 2 İyun 2020, 22:10 Qərb bölgəsinə dolu düşdü 2 İyun 2020, 21:56 Azərbaycanda müvəqqəti vergi rejimi tətbiq ediləcək 2 İyun 2020, 21:46 Azərbaycanda 95 koronavirus xəstəsi REANİMASİYADADIR - FOTO 2 İyun 2020, 21:24 Türkiyədə 130 min insan koronavirusdan sağaldı 2 İyun 2020, 21:08 Qaradağda iki yük maşını toqquşdu: ölən var 2 İyun 2020, 20:55 Azərbaycanda ailə məsləhət mərkəzləri yaradılacaq 2 İyun 2020, 20:42 “Azərbaycanla AİB arasında uzunömürlü starteji əməkdaşlıq daha da güclənəcək” - Deputat 2 İyun 2020, 20:28 Nazir yol polisinə yeni rəis müavini təyin etdi 2 İyun 2020, 20:16 Azərbaycanda ana və körpə ölümlərinin sayı azalıb 2 İyun 2020, 20:01 Maska taxılmamasına görə cərimələr qüvvəyə mindi - MƏBLƏĞ 2 İyun 2020, 19:52 Qarabağda virusa daha 8 yoluxma faktı TƏSDİQLƏNDİ 2 İyun 2020, 19:39 Rusiya alimləri yoqurta bənzəyən koronavirus vaksini hazırlayıb 2 İyun 2020, 19:27 Gürcüstanda 9 Türkiyə vətəndaşı saxlanıldı 2 İyun 2020, 19:15 Baş Prokurorluğun Bakıda özünü yandıran kişi ilə bağlı MƏLUMATI 2 İyun 2020, 19:00 Müəllimlərin yay məzuniyyətilə bağlı AÇIQLAMA 2 İyun 2020, 18:52 Milli Məclisin növbədənkənar iclasının gündəliyi AÇIQLANDI 2 İyun 2020, 18:45 Prezident uşaqlarla bağlı 2020-2030-cu illər üçün Strategiyanı təsdiq etdi 2 İyun 2020, 18:39 Nyu-Yorkda etirazçılar 2,4 milyon dollarlıq saat oğurladılar 2 İyun 2020, 18:29 Azərbaycanda koronavirusa rekord yoluxma - daha 3 nəfər öldü 2 İyun 2020, 18:17 Təhsil Nazirliyi həbs olunan direktorla bağlı açıqlama yaydı 2 İyun 2020, 18:13 İcra başçısının oğlu vəzifəsindən ÇIXARILDI 2 İyun 2020, 18:06