Arxiv
22 Oktyabr 2020, 13:45 | ANALİTİKA
Yeltsinin “sağ əli” ermənilərə MÜRACİƏT ETDİ: “Bəs niyə belə axmaqlıq etdiniz?”

1990-cı illərdə prezident Boris Yeltsinin komandasında təmsil olunmuş, baş nazirin müavini postunu tutmuş Alfred Kox Qarabağda gedən döyüşlərlə bağlı öz fikirlərini bölüşüb.

 

Modern az xəbər verir ki, Kox Ermənistan rəhbərliyini Qarabağı itirməklə barışmağa çağırıb.

“Təbii ki, mən yanıla bilərəm, amma məncə, erməni elitası Ermənistanı müharibədə məğlubiyyətə uğramaq bahasına fundamental səhvə yol veriblər.

İş ondadır ki, Ermənistan tərəfdə münaqişənin həlli ilə bağlı vasitəçilik missiyasını həyata keçirən 3 ölkədən (ABŞ, Fransa, Rusiya) sıfırın üzərində, minimal ehtimalla döyüşə biləcək tək ölkə Rusiyadır.

ABŞ, yaxud fransız əsgərlərinin gələrək, sinələrini qabağa verib Qarabağı Azərbaycan Ordusundan qoruyacağı ehtimalı heç nəzəri baxımdan da mümkün deyil. Deməli, hərbi məğlubiyyətə uğramamaq və Azərbaycan Ordusunun Dağlıq Qarabağa girməsinin qarşısını almaq üçün Ermənistan Rusiyanı yalnız diplomatik deyil, praktik mənada – hərbi səviyyədədə də konfliktə cəlb etməlidir.

 

Amma həm Ermənistan, həm də Rusiyadakı erməni diasporu bunun üçün tamamilə yanlış yol seçib.

Ermənilər Rusiyanın hakim siyasi və hərbi elitası ilə yaxşı və etibarlı münasibətlər qurmağa üstünlük verdilər.

Erməni iş adamları onlara çirkli pulların yuyulmasında, silah ticarətində yardım etmiş, səxavətli rüşvətlər ödəmiş və s. addımlar atıb. Mən heç kimi ifşa etmək niyyətində deyiləm – istəmirsinizsə, bunu etiraf etməyin.

 

Bundan başqa, erməni təbliğatçıları (bu yerdə Simonyan-Keosoyan cütlüyünü necə yada salmayasan) gecə-gündüz Kreml üçün çalışırdılar və bunun üçün nəcisin içinə girməkdən də çəkinmirdilər. Təkcə “Solsberi kilsəsi” ilə bağlı müsahibə nəyə desən dəyərdi.

 

Amma Rusiya rəhbərliyi ilə yaxşı münasibətlər perspektivdə böyük itkilər vəd edən müharibə  və ciddi siyasətçilərlə yaranacaq problemlər qarşısında heç bir əhəmiyyət daşımır. Kreml (mən bunda dərindən əminəm) yalnız 2 halda müharibə varinatına gedə bilər:

1.Bu müharibə Rusiya cəmiyyəti tərəfindən dəstəklənsin,

2.Rusiyaya ərazi, yaxud ciddi maliyyə qazancı gətirsin.

Konfliktə müdaxilə zamanı bu 2 faktorun heç biri olmayacaq. Bu müharibəni cəmiyyətimiz “özününkü” saymır, heç bir tərəfə tam rəğbət yoxdur və Kreml müharibəyə qoşulsa, bundan xal toplamayacaq.

 

Krımın ilhaqı tam başqa idi: bütün Rusiya cəmiyyəti vətənpərvərlik eyforiyasında idi və Putin növbəti 5 il üçün yüksək reytinqini tam təmin etmiş oldu.

Hazırkı konflikt Kreml üçün bunlardan heç birini vəd etmir. Yalnız tabut axını və xalqın susqun qəzəbini...

Ona görə də cavabım sadədir: əziz erməni lobbistləri! Mən sizi anlayıram və haradasa halınıza acıyıram (amma yenə də beynəlxalq hüquqa görə, Azərbaycanın haqlı olduğunu deməliyəm).

Amma! Siz heç vaxt Rusiya xalqına xoş gəlməyə çalışmırdınız. Siz ona açıq şəkildə biganə yanaşırdınız. Siz öz işlərinizi Kreml elitası ilə görürdünüz. Hamınız bu işlərdə yaxşı qazandınız və müəyyən mənada Kreml elitasına çevrilə də bildiniz. Amma hazırda bu lazım olan şeylər deyil. Sizin Kremllə əlaqəniz və nüfuzunuz sizə heç cür kömək etməyəcək. Sizə milyonlarla rusiyalının sevgi və rəğbəti lazımdır. Bu isə yoxdur. Niyə? Yəqin ki, bu suala on cildlik araşdırmanın cavab verməsi məntiqli olar. Amma mən sadə dildə deyəcəm: baş verənlər sevgi və rəğbəti qazanmaq üçün heç nə etməməyinizlə bağlıdır.

 

Ədalət xatirinə deməliyəm ki, Azərbaycana qarşı da belə sevgi və rəğbət yoxdur. Amma bu Azərbaycana heç lazım da deyil. Onlar öz hədəflərinə, özlərinə inanaraq, Rusiyanın yardımına ümid etmirlər. Azərbaycan təkcə Rusiyanın işə qarışmamasını istəyir. Amma siz ermənilər ki, Rusiyanın dəstəyinə həmişə ehtiyacınız olduğunu bilirdiniz axı...

Sizə yardımı olmadan ayaqda qala bilməyəcəyinizi bilirdiniz. Bəs, onda niyə özünüzü uzaqgörən aparmırdınız?

Axı qədim xalq olduğunuzu, sağ qalmaq üçün unikal təcrübəniz olduğunu deyirdiniz...

Bəs niyə belə axmaqlıq etdiniz?”.

BU KATEQORİYADAN OLAN DİGƏR XƏBƏRLƏR
+ Arxiv
Türkiyə Müdafiə Nazirliyindən Laçın PAYLAŞIMI 1 Dekabr 2020, 01:40 Paytaxtda “Opel” yandı 1 Dekabr 2020, 01:00 “Barselona” yeni prezidentini bu tarixdə seçəcək 1 Dekabr 2020, 00:55 İraqda daha bir SEPAH komandiri öldürüldü 1 Dekabr 2020, 00:42 Setyen "Barselona"nı məhkəməyə verdi 1 Dekabr 2020, 00:29 Azərbaycan Ordusu Laçına daxil oldu - RƏSMİ - VİDEO 1 Dekabr 2020, 00:15 Laçın bu gün Azərbaycana qaytarılır 1 Dekabr 2020, 00:01 Britaniyada daha 12 min nəfərdə yoluxma aşkarlandı 30 Noyabr 2020, 23:54 Paşinyanın istefasını tələb edən onlarla etirazçı saxlanıldı 30 Noyabr 2020, 23:47 Baş nazir koronavirusa yoluxdu 30 Noyabr 2020, 23:35 Tələbələrin ölümü ilə nəticələnən qəzanın görüntüləri yayıldı - VİDEO 30 Noyabr 2020, 23:23 Azərbaycan Gürcüstana humanitar yardım göndərdi 30 Noyabr 2020, 23:10 İtaliyada koronavirusla bağlı son vəziyyət 30 Noyabr 2020, 22:59 Türkiyədə koronavirusdan rekord ölüm 30 Noyabr 2020, 22:44 Sonuncu erməni Laçını tərk etdi - VİDEO 30 Noyabr 2020, 22:30 Çempionlar Liqası matçını ilk dəfə qadın hakim idarə edəcək 30 Noyabr 2020, 22:18 Türkiyədə qadağalar sərtləşdirildi - Ərdoğan məhdudiyyətləri açıqladı 30 Noyabr 2020, 22:05 OPEK qərarını verdi 30 Noyabr 2020, 21:58 Teledərslərin sabaha olan CƏDVƏLİ 30 Noyabr 2020, 21:46 “Barselona” Messinin bu hərəkətinə görə cərimələnəcək 30 Noyabr 2020, 21:35 “AzerTelecom”un layihəsi beynəlxalq konfransda müzakirə edilib - FOTO 30 Noyabr 2020, 21:29 Ermənistanda növbəti etiraz aksiyası 30 Noyabr 2020, 21:21 Gürcüstanda zəlzələ 30 Noyabr 2020, 21:07 Türkiyənin hərbi istehkamçıları Azərbaycana gəlib - RƏSMİ 30 Noyabr 2020, 20:54 Tramp vaksinin istifadəsinə icazə verməyə çağırdı 30 Noyabr 2020, 20:49 Gürcüstanda nazir və müavini koronavirusa yoluxdu 30 Noyabr 2020, 20:36 Nazir Günay Əfəndiyeva ilə görüşdü 30 Noyabr 2020, 20:24 Salyanda azyaşlını maşın vurdu 30 Noyabr 2020, 20:13 Qızıl və gümüş ucuzlaşdı 30 Noyabr 2020, 20:03 Nazirlik qazi Kənanı nəzarətə götürdü - anası işlə təmin edildi 30 Noyabr 2020, 19:52 Rusiya sülhməramlıları üçün növbəti maddi-texniki təminat vasitələri gətirildi - VİDEO 30 Noyabr 2020, 19:43 Şamil Ayrım İlham Əliyevi təbrik etdi 30 Noyabr 2020, 19:34 Türk minaaxtaranlar Qarabağda - FOTO 30 Noyabr 2020, 19:25 Hulusi Akardan Qarabağda atəşkəsə nəzarətlə bağlı AÇIQLAMA 30 Noyabr 2020, 19:16 Bayrağı uca 30 Noyabr 2020, 19:07
SORĞU Cəbhə xəbərlərini hansı mənbədən alırsınız?