“Dünyada COVID-19 pandemiya bitəndə artıq peyvəndlənməyə də ehtiyac qalmayacaq. Bir çox insanlar peyvənd olunmağa etiraz edir ki, nə qədər olar artıq?”
Bu fikirləri Modern.az -a açıqlamasında həkim-radioloq Aydın Əliyev bildirib.
Onun sözlərinə görə, bütün bunlar pandemiyanın hələ də davam etdiyinə görədir:
“Düşünürəm ki, artıq yazdan etibarən pandemiya yavaş-yavaş sonlanacaq. Fevralın -15də peyvəndi alan şəxslərin ikinci dozasından səhv etmirəmsə, 5-6 ay keçir. Bu müddətdən sonra peyvəndin yaratdığı immunitet çox zəifləmiş olur. Yəni, ikinci doza qəbul etmiş insanların qanında 5-6 ay sonra antitellərin miqdarı COVID-19 virusuna dayanıqsız olur”.
Həkim bildirib ki, ona görə fevral ayında qüvvətləndirici dozaların vurulmasına ehtiyac var:
““Buster” doza koronavirusa qarşı zəifləmiş immuniteti daha da gücləndirir, antitellərin miqdarını artırır. Kimin ikinci doza peyvəndinin üzərindən 5-6 ay zaman keçibsə, 3-cü doza peyvəndi vurdurmasını tövsiyə edirəm. Bununla onlar virusa növbəti dəfə yoluxsalar, xəstəliyi ağır şəraitdə deyil, yüngül formada keçirəcəklər”.
