Rusiya-Ukrayna müharibəsində indiyədək 135 uşaq həlak olub.
Modern.az xəbər verir ki, bununla bağlı məlumatı Ukrayna Baş Prokurorluğu yayıb.
Prokurorluq bildirib ki, bir aydan çoxdur davam edən müharibədə bu günədək 184 uşaq yaralanıb.
Məlumata görə, ən çox itkilər Kiyev, Xarkov, Donetsk, Çerniqov, Nikolayev, Zaporojiye, Jitomir, Xerson və Sumidə qeydə alınıb.
Xatırladaq ki, fevralın 24-ü səhər saatlarında Rusiya Ukraynada müharibəyə başlayıb. Həmin gün Ukrayna Prezidenti Volodimir Zelenski ölkədə hərbi vəziyyət tətbiq edib. Artıq müharibənin 32-ci günüdür.
