“Nizami Gəncəvinin Azərbaycan dilində yazdığı idda olunan “Divan” 15-ci əsrdə yaşamış Nizami Qaramanoğluna aid olma ehtimalı böyükdür”. Bu sözləri Modern.az-a açıqlamasında Qaramanoğlunun “Divan”ı üzərində araşdırma aparan şərqşünas alim Rəşid Təhməzoğlu bu barədə aparılan mübahisələri şərh edərkən bildirib.
“Faktlar hələ ki, Qaramanoğlunun tərəfindədir. Biz hələ ki, Qaramanoğlunun “Divan”ı ilə tapılan Divan arasında müqayisələr aparırıq. Amma Divanın Qaramoğluya aid olma ehtimalı daha çoxdur. Belə ki o, XV əsrdə yaşayıb və çox gənc rəhmətə gedən saray şairi olub. Divanda hətta bu dövrdə yasayan Osmanlı sultanı Fateh Mehmetin də adı çəkilir. Belə ki, apardığımız müqayisələr Divanın Nizami Gəncəviyə aid olduğunu sübüt etmir”-deyə şərqşünas vurğulayıb.
Qeyd edək ki, Rəşid Təhməzoğlu Nizami Gəncəvinin lirikasını Azərbaycan dilinə tərcümə edib.
Xatırladaq ki, ilk dəfə olaraq Modern.az saytının işıqlandırdığı Nizami Gəncəvinin ana dilimizdə olan Divanı barədə məlumat çoxsaylı polemikalara yol açıb. Zəncan Universitetinin professoru Hüseyin Tükrsoyun Misirin Xədəviyyə kitabxanasında aşkarladığı “Divan”ın və müəllifinin Nizmai Gəncəvi olduğunu bildirib. Bu isə geniş müzakirələrə səbəb olub.
Elmin Nuri