Ermənistanın Dövlət Gəlirləri Komitəsi Rusiyaya işləmək üçün gedən vətəndaşlar üçün vergi güzəştləri məsələsini müzakirə edir.
Modern.az "Sputnik Armenia"ya istinadən xəbər verir ki, bunu qurumun rəhbəri Rustam Badasyan parlamentdə jurnalistlərə bildirib:
"O cümlədən, vətəndaşlar tərəfindən 13%-lik gəlir vergisindən əlavə, ikiqat vergitutma müqavilələrinin obyekti olmayan digər ödənişlərin də həyata keçirilməsi halları ilə bağlı tədbirlər hazırlanır".
Badasyan bəyan edib ki, fiskal baxımdan bu vergilər vergi orqanları üçün o qədər də maraqlı deyil - bunlar ölkəyə böyük gəlirlər gətirəcək məbləğlər deyil.
Bildirilib ki, yekun qərar qəbul olunana qədər vətəndaşlara qarşı heç bir tədbir görülməyəcək.
