Kremlin mətbuat katibi Dmitri Peskov ABŞ prezidenti Co Baydenin Rusiya prezidenti Vladimir Putin haqqında açıqlamasını biabırçılıq adlandırıb.
Modern.az "Kommersant"a istinadən xəbər verir ki, Peskovun fikrincə, “belə biabırçı bəyanatlar” çətin ki, Putini incitsin.
“Amma bu, ölkənin özü üçün çox böyük biabırçılıqdır. Mən Amerika Birləşmiş Ştatlarını nəzərdə tuturam. Əgər belə bir ölkənin prezidenti belə bir dil işlədirsə, ayıb olmalıdır. Aydındır ki, cənab Bayden daxili siyasi maraqlar naminə Hollivud kovboyu üslubunda davranış nümayiş etdirir. O, bunu çox istərdi”, - Kremlin sözçüsü jurnalist Pavel Zarubinə bildirib.
Peskov deyib ki, o, Co Baydenin köməkçilərinə seçim etməyi və Vladimir Putindən Amerika prezidenti haqqında “ən azı bir təhqiredici bəyanat tapmağı” məsləhət görəcək. Co Bayden fevralın 21-də seçki kampaniyası zamanı Rusiya prezidentini təhqir edib. O, ABŞ-a hipotetik nüvə təhlükəsi kontekstində danışıb.
