Ermənistan Milli Təhlükəsizlik Xidməti, baş nazir Nikol Paşinyanın vəd etdiyi kimi, Ermənistan Təşkilatlarının Koordinasiya Şurasının həmsədri Murad Papazyanın persona non-qrata statusunun ləğvi ilə bağlı məhkəmə qərarından apellyasiya şikayəti verməyib.
Modern.az xəbər verir ki, bu barədə "Hraparak" qəzeti yazıb.
Papazyanın maraqlarının təmsilçisi Siranuş Saakyan qəzetə bildirib ki, qurum Syune və Masis Abrahamyanovun xeyrinə analoji qərarlardan apellyasiya şikayəti verib:
"Baxmayaraq ki, hər iki işdə eyni vəziyyətlə bağlı məhkəməyə heç bir əsas təqdim edilməyib".
