Ermənistanın şimalında daşqınlar nəticəsində zədələnmiş dəmir yolunun bərpası ilə bağlı Rusiya ilə razılıq əldə olunub.
Modern.az "Sputnik Armenia"ya istinadən xəbər verir ki, bunu Ermənistanın baş naziri Nikol Paşinyan Nazirlər Kabinetinin iclasında açıqlayıb.
Dünən Moskvada Ermənistan baş nazirin müavini Mher Qriqoryan və “Rusiya Dəmir Yolları” şirkətinin rəhbərləri daşqından zərər çəkmiş ərazilərdə dəmir yolunun iş rejimi barədə razılığa gəliblər.
Bundan əvvəl Ermənistan və Gürcüstanı birləşdirən dəmir yolunun 2.5 km-nin zədələndiyi, lakin artıq yüklərin daşınması üçün müvəqqəti həll yolu olduğu bildirilmişdi.
