Mərkəzi Seçki Komissiyasının (MSK) sədri Məzahir Pənahov namizədlərin seçkiqabağı təşviqatla bağlı qanunvericiliyin pozulması hallarına münasibər bildirib.
Modern.az-ın məlumatına görə, o bildirib ki, təşviqat kampaniyası başlamazdan öncə təbliğat aparan namizədlər olubsa, bununla bağlı sənəd təqdim edilməlidir.
MSK sədri bununla bağlı sübutları özündə ehtiva edən rəsmi sənədlə müraciət ünvanlanmasının zəruri olduğunu bildirib.
“Onları göndərsinlər baxaq, araşdıraq, ondan sonra deyək qanun pozuntusu var, yoxsa, yox”, - sədr deyib.
Qeyd edək ki, seçkiqabağı təşviqat avqustun 9-da başlasa da, sosial şəbəkələrdə bir sıra namizədlərin avqustun 8-də təşviqata başlaması barədə xəbərlər yayılıb.
