Silahlıların Suriyada hakimiyyəti ələ keçirməsindən sonra paytaxt Dəməşdə komendant saatı tətbiq edilib.
Modern.az-ın məlumatına görə, "Reuters" agentliyi şəhərdən fotolar yayımlayıb.
Bildirilir ki, paytaxtda nisbi sakitlik hökm sürür.
Xatırladaq ki, noyabrın sonunda Suriyada hökumət əleyhinə qüvvələrin hücumu başlayıb. Dekabrın 8-nə keçən gecə onlar paytaxt Dəməşqə daxil olublar. Bəşər Əsəd prezident postunu tərk edib və Suriyadan qaçıb. Suriyanın baş naziri Məhəmməd Qazi Əl-Cəlali müxalifətlə əməkdaşlığa və hakimiyyəti sülh yolu ilə ötürməyə hazır olduğunu bəyan edib. Əsəd və ailəsi Rusiyaya sığınıb.
