Günəşdə 2025-ci ilin ən güclü partlayışlarından biri baş verib.
Modern.az xəbər verir ki, bu barədə “Fobos” hava mərkəzinin aparıcı mütəxəssisi Mixail Leus öz Telegram-kanalında məlumat yayıb.
“Erkən səhər saatlarında Günəşdə ən yüksək - X sinfinə aid güclü partlayış qeydə alınıb. İlkin məlumatlara görə, onun gücü X1,95 bal təşkil edib və pik anı Moskva vaxtı ilə saat 05:49-a (Bakı vaxtı ilə 06:49-a) təsadüf edib. Gücünə görə bu alışma 2025-ci ilin əvvəlindən bəri ulduzumuzda qeydə alınan ən güclü beş partlayışın sırasına daxildir”,- deyə o yazıb.
Sinoptikin sözlərinə görə, partlayışın formalaşdığı sahə Günəş–Yer xəttindən əhəmiyyətli dərəcədə uzaqda yerləşir. Buna görə də Günəş maddəsinin Yerə çatma ehtimalının son dərəcə az olduğu qeyd olunub.
