Xalq artisti, aktyor Rasim Balayev I Fəxri Xiyabanda dəfn ediləcək.
Modern.az xəbər verir ki, Rasim Balayevlə vida mərasiminin sabah 12.00-13.30 saatlarında Azərbaycan Dövlət Akademik Milli Dram Teatrında keçirilməsi nəzərdə tutulub.
Qeyd edək ki, aktyor ağciyər xərçəngindən əziyyət çəkib. Türkiyədə müalicə alan aktyor bu gün səhər İstanbulda müalicə aldığı “Memorial” klinikada vəfat edib. Azərbaycanın İstanbuldakı Baş Konsulluğu Rasim Balayevin cənazəsinin bu gün Bakıya göndərilməsinin planlaşdırıldığını açıqlayıb.
