Arxiv
13 Avqust 2014, 10:47 | MÜSAHİBƏ
“Kəpəz” TV-nin baş direktoru: “Bir nömrəli problem kadr azlığıdır” - MÜSAHİBƏ


Modern.az
saytının “Gözdən iraq media” rubrikasında Gəncə şəhərində fəaliyyət göstərən “Kəpəz” TV haqqında qurumun baş direktoru Fuad Cabbarov danışır:

– “Kəpəz” Müstəqil Teleradio Şirkəti 21 illik fəaliyyəti (1993) dövrünün son 6 ilində daha çox nailiyyət əldə edib. İstər verilişlərin hazırlanması, istərsə də kadr potensialının, peşəkarlığının artırılması baxımından televiziya  böyük  inkişaf yolu keçib. Əgər əvvəllər “Kəpəz” TV-nin əhatə dairəsi yalnız Gəncə şəhəri ilə kifayətlənirdisə, kanalımız bu gün respublikanın Qərb bölgəsində tam yayımlanır.

Bir milyondan çox izləyici kütləsinə malik olan “Kəpəz” televiziyası 2014-cü ilin may ayından etibarən 24 saatlıq yayım sistemindədir. Bundan əvvəl  televiziya kanalımızın yayım vaxtı 18 saatlıq davam edirdi. 2008-ci ilə kimi televiziyada 25 -30 nəfər işçi var idisə, indi bu rəqəm 200 nəfəri ötüb.

Sizə bir misal çəkim, nəzərə alsaq ki, bir layihənin hazırlanmasında əvvəllər  bir-iki  nəfər çalışırdısa, bu, həmin proqramın keyfiyyətinə də öz mənfi təsirini göstərirdi. İndi isə bir layihə kollektiv əməyin nəticəsi olaraq meydana çıxır. Bu da verilişin daha keyfiyyətli olması deməkdir.  4 iyun 2009-cu il tarixindən televiziyanın www.kepeztv.az saytı fəaliyyət göstərir ki, bununla da, dünyanın hər yerindən kanalımızı izləmək mümkündür.  Ən böyük uğurumuzu  televiziyamızın yeni binaya köçməsi hesab edirik. 2012-ci ilin sentyabr ayında regionda ən böyük televiziya binası istifadəyə verildi və həmin tarixdən etibarən “Kəpəz ” televiziyası yeni bir ilkə imza atmış oldu. Bundan əlavə, regionun ilk radiosu “Kəpəz FM” də 5 fevral 2013-cü ildən dinləyicilərin ixtiyarına verilib. 93.3 FM dalğasında yayımlanan radionu www.kepezfm.az saytından da dinləmək olar. Əminliklə qeyd edə bilərəm ki, Kəpəz FM regionda ən populyar radiodur.

Hazırda şirkətdə 9 departament - Xəbərlər, Xüsusi Layihələr, Proqram, Maliyyə, İT, Texniki, Dublyaj, Təsərrüfat və Nəqliyyat, PR və Marketinq departamentləri fəaliyyət göstərir.

– İnformasiya sahəsində üstünlük verdiyiniz dəyərlər hansılardır?

– Müasir tamaşaçı televiziyadan operativ olaraq ən düzgün xəbərləri almaq istəyir. Xüsusən də  regionda baş verən hadisələr onları daha çox maraqlandırır. Bölgəmizin iqtisadi, mədəni, elmi inkişafı, baş verən ən son hadisələr barədə məlumat əldə etmək və maariflənmək insanlarımız üçün vacibdir. Biz onların nə istədiyini çox yaxşı bilirik.

- Bölgə televiziyası yaranan gündən bu vaxta qədər hansı problemlər sizi izləyib?

– Demək olar ki, bölgə televiziyalarındakı bir nömrəli problem kadr potensialının azlığıdır. Təbii ki, söhbət işə yararlı, ixtisaslı kadrlardan gedir. Lakin sevindirici haldır ki, biz  dəyişikliklərə doğru irəlilədiyimiz bu illər ərzində istəyimizə nail olmağı bacardıq. Təxminən 6 il əvvələ qayıtmaq istəyirəm. 15 il fəaliyyət göstərən televiziyada heç bir xanım işləmək istəmirdi. Görünür həmin dövrdə “televiziya” anlayışı hər kəsə başqa cür tanış idi, ya da bunu işin çətinliyi ilə də əlaqələndirmək olar. Həmin vaxt telekanala işçi cəlb etmək üçün  çox əziyyət çəkdik. Cəlb olunanlar da qeyri-peşəkar olduğundan onları hazırlamaq xeyli vaxtımızı aldı. Bunun üçün xarici ölkələrdən peşəkar jurnalistləri dəvət etdik, kurslar təşkil olundu və s. Sevinirik ki, bu gün artıq paytaxt kanallarından işləmək üçün məhz “Kəpəz ” televiziyasına üz tuturlar.

Bundan əlavə texniki baxımdan da çox çətinliklərimiz oldu. İlk müstəqil regional televiziya kiçik bir evdə fəaliyyət göstərirdi. Və orada olan köhnə, yararsız avadanlıqlar işimizi əngəlləyən əsas səbəblərdən idi. Lakin hazırda “Kəpəz ” televiziyası ən müasir televiziya avadanlıqları ilə təchiz olunub və alman istehsalı olan Cinergy texnologiyası əsasında Azərbaycanda ən böyük avtomatlaşdırılmış yayım sisteminə malikdir.



- Onda belə çıxır ki, “mükəmməl televiziya” anlayışını reallaşdırmağı bacarıbsınız...

– Yox, belə deməzdim. İş olan yerdə inkişaf da olmalıdır, problem də. Bizdə texniki cəhətdən, düz deyirsiniz, hər şey mükəmməldir. Ancaq televiziyanın irəliləməsi üçün əsas şərtlərdən biri texnikadırsa, digəri və ən vacibi yaradıcı heyətdir. Televiziyada yaradıcı insanlara daim ehtiyac duyulur. Düzdür, Bakıdan bura işləmək üçün kifayət qədər müraciət edənlər var, lakin biz  yerli kadrlara üstünlük veririk. Onların marağı olsa da, yaradıcılıq potensialı bizi qane etmir. Zamanla ayaqlaşmaq lazımdır, kreativlik önəmlidir. Və təəssüflə qeyd etmək olar ki, belə gənclər regionlarda kifayət qədər deyil.

- “Yaradıcı gənc ” deyərkən nəyi nəzərdə tutursunuz?

– Televiziya yerində saymaq istəyənlərin yeri deyil.  Axı indi həyatın özü də gənclərdən dinamika, yaradıcılıq tələb edir. Televiziya cəmiyyətin güzgüsüdür. Onların hazırladığı bütün layihələr birbaşa insanların şüuruna, dünyagörüşünə təsir edir. Əgər işləyən gəncin özü “standartlara ” cavab vermirsə, o cəmiyyətə nəyi təlqin edə bilər?! Ona görə də telekanalımızda yalnız regiondan və paytaxtdan cəlb olunmuş istedadlı gənclər çalışır.  İstedad sərhəd tanımadığından biz bütün bacarıqlı gəncləri daim sıralarımıza qəbul etməyə hazırıq.

- Bir televiziya üçün “kadr çatışmazlığı” nə deməkdir?

– Televiziya dəyişir, inkişaf edir. Və o özü də yeniliyi sevən məkandır. Burada hər kəs öz bacarığı səviyyəsində işləyir. Əgər işçi “tükənirsə”, artıq o televiziyadan özü uzaqlaşmağa başlayır. Ona görə də  “kadr çatışmazlığı” problemi televiziyaların əksəriyyətində mövcuddur.

- Regionda auditoriyanın marağını hansı üsullarla qazana bilirsiniz?

– Tamaşaçı televiziyada nəyə baxmaq istəyir? Əlbəttə ki, yaşından asılı olaraq maarifləndirici, əyləndirici verilişlərə və xəbərlərə. “Kəpəz ”in də əsas missiyası sadalanan bu amilləri özündə cəmləşdirməkdir. Kiçikdən böyüyə hər kəsin yaş və marağını çəkəcək layihələrimiz var: “Dostlar ”- maarifləndirici, əyləncəli, uşaqlar üçün proqram, “Bu səhər”- informasiya kanalı, “Tac Şou”(qadınlar üçün), “Piyada”, “Duyğulu könüllər”- əyləncəli verilişlər, “Kulinar”- qadınlar üçün mətbəx proqramı, “Zirvə” bilik yarışı, regionun informasiya mənbəyi “Kəpəz Xəbər” və s.

- Proqram siyasətində hansı yöndə verilişlərə üstünlük verilir? – xəbər-informasiya, maarifləndirici və ya əyləncə?

- Televiziyamız öz proqram siyasətini tamaşaçı auditoriyasına uyğun təşkil edir. Əsasən bütün yaş qrupunu və maraq dairəsini əhatə edən verilişlər hazırlanır. Təbii ki, ən düzgün və operativ xəbərləri də qərb regionundan ölkəyə birinci çatdırmağı vəzifə borcumuz hesab edirik. 

- Regiona daxil olan başqa rayon və şəhərlərdə ayrı bürolarınız fəaliyyət göstərirmi? 

- Azərbaycanın bölgələrində 6 telekanal fəaliyyət göstərir. Onlar daim bir-biri ilə sıx əməkdaşlıq edir. Bu əməkdaşlıq 10 may 2014-cü ildə “Vətən burdan başlayır ” devizi altında yaradılan “Region TV” ilə daha da yaxınlaşdı. RegionTV-ni Avropa seqmentində (11135H, 27500, 5/6 tezliyində), kabel televiziyalarında, Bakı şəhəri və Abşeron yarımadasında isə 37-ci TV yayım kanalı ilə, həmçinin internet vasitəsilə izləmək mümkündür. Yeri gəlmişkən, yeni telekanalın yayım və proqram mərkəzi Kəpəz TV-nin bazasında yaradılıb. Artıq “ Kəpəz ” Müstəqil Teleradio Şirkəti hər bir şəraiti ilə Region TV-yə “ ev sahibliyi” edir. Belə ki, regional kanallarda və Bakı studiyasında hazırlanan verilişlər, eyni zamanda regional kanalların canlı efir siqnalları Kəpəz televiziyasından yayımlanan Region TV-yə ötürülür, hazır videoməhsullar buradan təsdiq olunan proqrama uyğun vahid efir siqnalı formalaşdırır. Mərkəz olaraq bütün layihələrin hazırlanmasına xüsusi diqqət yetirilir və Azərbaycan tamaşaçısına zövqlü və dəyərli məhsul təqdim edilir. Bir sözlə, əgər biz əvvəllər yalnız bölgə izləyiciləri üçün verilişlər hazırlayırdıqsa, indi paytaxt sakinlərini də nəzərə alırıq.

Televiziyanın harada fəaliyyət göstərməyindən asılı olmayaraq əsas məqsədi cəmiyyətə xidmət göstərməklə onların inamını qazanmaqdır. Regionlarda TV kanalların inkişafı, ümumilikdə Azərbaycan teleməkanının inkişafıdır.

Elmin Nuri
Ulduz İbrahimova

BU KATEQORİYADAN OLAN DİGƏR XƏBƏRLƏR
+ Arxiv
“Azərbaycan, gəldik!” deyən PAŞALAR 15 Sentyabr 2019, 09:18 Üç qadının sevdiyi rejissor... 15 Sentyabr 2019, 09:15 Metroda silahlı insident 15 Sentyabr 2019, 00:46 Mehriban Əliyeva İvanovkada Mədəniyyət Sarayının açılışında - FOTO 15 Sentyabr 2019, 00:31 Bu gün Azərbaycanda Bilik Günüdür 15 Sentyabr 2019, 00:15 Bakının azad olunmasından 101 il ötür 15 Sentyabr 2019, 00:01 Bakıda ağır qəza: 3 ölü, 6 yaralı 14 Sentyabr 2019, 23:50 5,9 bal gücündə zəlzələ oldu 14 Sentyabr 2019, 23:29 Qusarda itkin düşən qadın və azyaşlı qızı tapılıb 14 Sentyabr 2019, 23:07 Mehriban Əliyeva İsmayıllıda - FOTOLAR 14 Sentyabr 2019, 22:41 Səhiyyədə şəffaflıq və hesabatlılıq müzakirə olundu 14 Sentyabr 2019, 22:11 Rəqəmsal iqtisadiyyat şəraitində ali təhsilin üzləşdiyi əsas çağırışlar - REKTOR ÇIXIŞ YOLU GÖSTƏRDİ 14 Sentyabr 2019, 21:57 Mehriban Əliyeva Şamaxı Cümə məscidində olub - FOTOLAR 14 Sentyabr 2019, 21:44 ABŞ hərbi gəmisi İstanbul boğazında 14 Sentyabr 2019, 21:28 Neft emalı zavodunda partlayış 14 Sentyabr 2019, 21:16 Mehriban Əliyeva Şamaxıda məktəb açılışında - FOTOLAR 14 Sentyabr 2019, 21:02 Ağsu polisi aztəminatlı ailələri sevindirdi 14 Sentyabr 2019, 20:46 Mehriban Əliyeva  Şamaxıda əhali ilə görüşdü - FOTOLAR 14 Sentyabr 2019, 20:33 Çörçilin doğulduğu saraydan qızıl unitaz oğurlanıb 14 Sentyabr 2019, 20:16 Dayanıqlı inkişafa xidmət edən müasir təhsil strategiyası... 14 Sentyabr 2019, 20:01 Təhsil ekspertindən direktorlara sərt İTTİHAM: “Sevgililərini katibə, laborant götürürlər!” 14 Sentyabr 2019, 17:37 Əminə Dilbazinin Amerikadakı qızı İlham Əliyevə təşəkkür etdi: “Təkliflərim var” 14 Sentyabr 2019, 17:13 Taksi xidmətlərində gəlirlərin gizlədilməsinə necə mane olmalı... 14 Sentyabr 2019, 16:28 “Eldar Həsənov vəzifədən getdikdən sonra saxtakar müstəntiq və prokuroru böyütdülər” - Bir cinayətin TARİXÇƏSİ 14 Sentyabr 2019, 16:04 Binəqədidə təhsil konfransı keçirilib 14 Sentyabr 2019, 15:42 Ordumuzun tarixini yazan polkovnik: “Bakının azad edilməsi üçün əsas istiqamət “Qurd qapısı” götürülmüşdü” 14 Sentyabr 2019, 15:32 Məktəblərin ətrafında piyada keçidləri yenilənir 14 Sentyabr 2019, 15:06 Rusiyada ağır yol qəzası: 9 ölü, 20 yaralı... 14 Sentyabr 2019, 14:42 Təhsil naziri Biləsuvarda məktəb açılışına gedib 14 Sentyabr 2019, 14:29 Uyğun qiymətə mənzil təminatının inkişafına dair Strateji Yol Xəritəsi … 14 Sentyabr 2019, 14:27 İlham Əliyev iki yeni səfirin etimadnaməsini qəbul edib 14 Sentyabr 2019, 14:17 Dilçilik İnsititutunun direktoru: “Qarabağ dialektoloji atlasını çapa hazırlayırıq” - MÜSAHİBƏ 14 Sentyabr 2019, 14:12 Post-patrul xidmətindən yol polisinə ezam olunanlar geri qaytarılıb - RƏSMİ 14 Sentyabr 2019, 13:27 Nizami olmaq 14 Sentyabr 2019, 13:18 İlham Əliyev meksikalı həmkarını təbrik edib 14 Sentyabr 2019, 13:06