Milli Məclisin deputatı Aydın Abbasov AŞPA-nın Monitorinq Komitəsinin iclasında iştirak etmək üçün sentyabrın 9-da Parisdə səfərdə olacaq. Milli Məclisin mətbuat xidmətindən Modern.az-a verilən məlumata görə, iclasda Ukraynada demokratik təsisatların fəaliyyəti, Serbiya tərəfindən vəzifə və öhdəliklərin yerinə yetirilməsi, Moldovada son vəziyyət və digər mövzularda fikir mübadiləsi aparılacaq.
Tədbirdə deputat Aydın Abbasov çıxış edəcək, gündəlikdəki məsələlərə münasibətini bildirəcək.
Modern.az