Özbəkistanın yenidən prezidenti seçilən İslam Kərimovun inauqurasiya mərasimi aprelin 10-da keçiriləcək. Modern.az xarici KİV-ə istinadən xəbər verir ki, Özbəkistan qanunvericiliyinə görə seçkilərin rəsmi nəticələri elan olunandan sonrakı 2 ay müddətində yeni seçilən dövlət başçısı parlamentdə and içərək vəzifəsinin icrasına başlamalıdır.
Aprelin 6-da Özbəkistanın Mərkəzi Seçki Komissiyası martın 29-da keçirilən seçkilərin nəticələrini elan edib.
MSK-nın açıqladığı nəticəyə görə İslam Kərimov seçkilərdə iştirak edən 91,08 faiz seçicinin 90,39 faizinin səsini toplayıb. 77 yaşlı İslam Kərimov 1989-cu ildən Özbəkistanı idarə edir.
Modern.az
