Bakı şəhəri, Nərimanov rayonunda ümumi sahəsi 1350 kv.m olan üçmərtəbəli "TiTANiK" otelində yanğın olub.
Modern.az Fövqəlada Hallar Nazirliyinə istinadən xəbər verir ki, otelin 1-ci mərtəbəsində yerləşən, sahəsi 30 kv.m olan saunanın konstruksiyaları yanıb.
Yanğın zamanı otelin yuxarı mərtəbələrindən 20 nəfər yanğınsöndürənlər tərəfindən xilas edilib, 10 nəfər təxliyyə olunub. Otelin qalan hissəsi və saunaya bitişik tikililər yanğından mühafizə olunub. Yanğın saat 08:32-də yanğınsöndürənlər tərəfindən söndürülüb.
Modern.az
