“Bakı Şəhər İcra Hakimiyyəti mərhum dövlət başçısı Heydər Əliyevin anadan olmasının 92-ci ildönümü münasibətilə keçiriləcək Gül bayramına dəvət edir”.
Bunu deyən Bakı meriyasının mətbuat xidmətinin rəhbəri Nailə Məmmədovanın Modern.az saytına verdiyi məlumata görə, Gül bayramı mayın 10-da keçiriləcək:
“Bayram tədbiri Heydər Əliyev adına Sarayın qarşısındakı Heydər Əliyev Parkında keçiriləcək və həmin gün saat 21:00-da Dənizkənarı Milli Parkda Bakı Şəhər İcra Hakimiyyəti və Azərbaycan Dövlət Televiziyası tərəfindən bayram konserti və atəşfəşanlıq təşkil ediləcək”.
Bakı Şəhər İcra Hakimiyyəti paytaxt sakinlərini bayram şənliklərində iştirak etməyə dəvət edir.
Gülşən RAUFQIZI
