Bakının Azadlıq prospektindəki 16 mərtəbəli binada baş vermiş güclü yanğın nəticəsində ölənlərin sayı 6 nəfərə çatıb.
Modern.az bildirir ki, bu barədə Səhiyyə Nazirliyinin mətbuat xidmətindən məlumat verilib. Nazirliyin məlumatına görə, xəsarət alanların sayı isə 20 nəfərdir.
Onlar xəstəxanaya yerləşdiriliblər. Daha 6 nəfərə hadisə yerindəcə ilkin yardım göstərilib.
***
Səhiyyə Nazirliyi ölənlərlə bağlı yeni statistika açıqlayıb. Bildirilib ki, Bakı şəhəri, Binəqədi rayonunda yaşayış binasında baş vermiş dəhşətli yanğınla əlaqədar saat 14:00 olan son məlumatlara əsasən 20 nəfər yaralı artıq Təcili tibbi Yardım maşınları ilə müxtəlif xəstəxanalara yerləşdirilib.
Bunlardan 14-ü 1 saylı Kliniki Tibbi Mərkəzin Toksikologiya şöbəsinə, 3 nəfəri Elmi Təhqiqat Travmatologiya və Ortopediya İnstitutuna 2 nəfər 6 saylı BŞX-na 1 nəfər isə Yanıq şöbəsinə yerləşdirilib.
Bu saata olan son məlumatlara əsasən ölənlərin sayı 7 nəfərdir. Daha 6 nəfərə isə Bakı şəhəri Təcili və Təxirəsalınmaz Tibbi Yardımın əməkdaşları tərəfindən yerindəcə yardım göstərilib.
Modern.az
