Qarabağ Azadlıq Təşkilatının (QAT) fəalları Sosialist İnternasionalının Bakıda keçirilən regional konfransında Ermənistanın "Daşnaksütyun" Partiyasının nümayəndələrinin iştirakına etiraz əlaməti olaraq piket keçiriblər. QAT-çılar konfransın keçirildiyi Milli Parkdakı Biznes Mərkəzinin qarşısında “Erməni daşnakları Bakını dərhal tərk edin!” şüarı səsləndiriblər. Onlar polislə qarşıdurma şəraitində Biznes Mərkəzinin foyesinə daxil olublar.
QAT rəhbəri Akif Nağı bildirib ki, polis etirazçıları foyedən çıxarıb. Təşkilatın bir neçə fəalı saxlanılıb.
