Binəqədi rayonunun 100 №-li ümumtəhsil məktəbində görkəmli alim, ictimai xadim, Azərbaycan Milli Elmlər Akademiyasının müxbir üzvü, kimya elmləri doktoru, professor Abbasov Vaqif Məhərrəm oğlu ilə məktəbin şagird və müəllim kollektivinin görüşü keçirilib. Görüşdə millət vəkilləri Qənirə Paşayeva və Rəfail Cəbrayılov, İTV-nin Yayım Şurasının sədri Cahangir Məmmədli, əməkdar artist Tünzalə Ağayeva da iştirak edib.
Görüşdə şagirdlər Vaqif Abbasovun həyat fəaliyyəti haqqında danışıb, şerlərini oxuyub, rəqslər və mahnılar ifa ediblər.
Vaqif Abbasov, Qənirə Paşayeva, Rəfail Cəbrayılov, Cahangir Məmmədli çıxış ediblər. Görüşdə şagirdlərin mili-mənəvi dəyərlərə hörmət və vətənpərvərlik ruhunda tərbiyəsinin vacibliyindən, müəllim nüfuzunun yüksəlməsi sahəsində tədbirlər görülməsinin əhəmiyyətindən söhbət açılıb.
Modern.az
