ABŞ Mərkəzi Kəşfiyyat İdarəsinin direktoru Con Brennan Moskvaya səfəri zamanı Susiya prezidenti Bəşər Əsədin vəzifədən getməsinin və bu ölkədə əsl siyasi keçidin vacib olduğunu bəyan edib. Modern.az xarici mediaya istinadən bildirir ki, bu haqda martın 28-də ABŞ-ın Rusiyadakı səfiriliyindən məlumat verilib.
“Mərkəzi Kəşfiyyat İdarəsinin direktoru Con Brennan Moskvaya martın əvvəlində gələrək Rusiya hakimiyyətinin nümayəndələri ilə görüşdə Rusiya və Əsəd rejiminin Suriyada düşmənçiliyin dayandırılması barədə razılaşmanın öz üzərlərinə düşən hissəsini yerinə yetirmələrinin vacibliyini qeyd edib”, - diplomatik missiyanın məlumatında vurğulanır.
Bundan əlavə, məlumatda bildirilir ki, Brennan həqiqi siyasi prosesin başlaması üçün Əsədin gedişini ABŞ hakimiyyətinin dəstəklədiyini də qeyd edib.
Modern.az
