Xarici İşlər Nazirliyi (XİN) idmançı Kamil Zeynallının Rusiyada saxlanılması ilə bağlı yayılan məlumatlara münasibət bildirib.
Modern.az məsələ ilə bağlı Xarici İşlər Nazirliyinə sorğu ünvanlayıb.
XİN-in Mətbuat Xidməti İdarəsinin rəisi Ayxan Hacızadə bildirib ki, məsələ Azərbaycanın Rusiyadakı səfirliyinin nəzarəti altındadır.
“Vətəndaşa müvafiq konsulluq-hüquqi yardım göstərilir. Əlavə məlumat olarsa, bildiriləcək”, - məlumatda deyilir.
Qeyd edək ki, Kamil Zeynallı Ermənistanın tələbi ilə Moskvada saxlanıldığını bildirib. Onun Moskvanın Domodedovo hava limanında saxlanıldığı qeyd olunur.
