“Bu günlərdə mənə ən çox verilən sual Trampın "Sülh Şurası"nın nə olduğu və Azərbaycanın ora daxil edilməsinin məqsədi ilə bağlıdır”.
Modern.az-ın məlumatına görə, bunu sabiq xarici işlər naziri Tofiq Zülfüqarov deyib.
O bildirib ki, indiyə qədər heç kim bunun yeni BMT üçün prototip, yoxsa sadəcə Qəzza müqavilələrinin həyata keçirilməsini təmin etmək üçün bir layihə olduğunu dəqiq deyə bilmir.
“Ümumiyyətlə, "Şura" ilə bağlı vəziyyət dinamikdir...
Və Azərbaycanın maraqları və məqsədlərindən danışarkən köhnə bir deyim yada düşür: "...şam yeməyində iki qismdə iştirak edə bilərsiniz: ya ziyafətdə tam hüquqlu iştirakçı kimi, ya da menyunun bir hissəsi kimi..."
Deməli, meydanda ehtiyat oyunçu kimi deyil, oyunçu kimi olmalısınız. Yeri gəlmişkən, hamı dəvət olunmur”, - T.Zülfüqarov bildirib.
