Hazırda Azərbaycanda 994 dini icma dövlət qeydiyyatına alınıb və onlardan 956-sı İslam dini təmayüllüdür.
Modern.az xəbər verir ki, bu barədə Nazirlər Kabinetinin 2025-ci ildəki fəaliyyəti haqqında hesabatda əks olunub.
Rəsmi məlumata görə, ölkəmizdə 2387 məscid (onlardan 219-u Naxçıvan Muxtar Respublikasında), 769 ziyarətgah mövcuddur.
Bundan əlavə Azərbaycanda 16 kilsə, 7 sinaqoq, 23 xristian dua evi, 1 bəhai və 1 krişna ibadət yerləri fəaliyyət göstərir.
Hesabata görə, 2024-cü illə müqayisədə 2025-ci ildə məscidlərin sayı 10 ədəd artıb.
