Bu gün saat 19 radələrində Qax şəhərində 34 yaşlı Adil Abdurəhmanov yaşadığı ünvanda tanışı 18 yaşlı Rəvan Qadaşova kəsici alətlə xəsarət yetirib. R.Qadaşov isə boşqabla A.Abdurəhmanova xəsarət yetirib.
Modern.az xəbər verir ki, bu barədə Daxili İşlər Nazirliyinin mətbuat xidmətinin regional qrupu məlumat yayıb. Bildirilib ki, faktla bağlı ərazi üzrə polis orqanında istintaq araşdırmaları aparılır.
Hər iki şəxs Qax Rayon Mərkəzi Xəstəxanasına müraciət edib.
Tərəflərin xəsarətləri ilə bağlı müvafiq ekspertiza təyin olunub.
