Sosial Ədalət Partiyasının sədri, Azərbaycan Respublikasının Milli Məclisinin I çağırış deputatı, Azərbaycan Ali Sovetinin XII çağırış deputatı Mətləb Mütəllimli vəfat edib.
Modern.az xəbər verir ki, bu barədə onun yaxınları məlumat verib. Qeyd olunub ki, o, uzun sürən xəstəlikdən vəfat edib.
Mətləb Mütəllimli bir müddət Azərbaycan Respublikasının Baş prokurorunun birinci müavini vəzifəsində də işləyib.
Sabiq deputat 20 may 1949-cu il tarixində Yardımlı rayonunun Horavar qəsəbəsində anadan olub. Onun Binəqədi qəbiristanlığında dəfn olunacağı bildirilib.
