Deputat Tahir Kərimlinin sosial şəbəkədə yayılan məlum videosu müzakirələrə səbəb olub. Deputatın ölümlə hədələndiyini iddia etməsi və bu barədə emosional çıxışı birmənalı qarşılanmayıb.
Həmkarının çıxışı haqqında Modern.az-a danışan deputat Aqil Abbas videonu izləmədiyini, məsələdən xəbəri olmadığını deyib.
Deputat sözügedən videogörüntü yayılandan sonra Tahir Kərimli ilə əlaqə saxlamadığını da söyləyib:
“Deputat əgər ölümlə hədələnirsə, polisə, hüquq-mühafizə orqanlarına müraciət edə bilər. Kim tərəfindən hədələndiyini də deyər. Hətta anonim hədələnibsə, onu da deyər. Başqa fikir bildirə bilmərəm”.
