Ombudsmanın müraciətləri əsasında ümumilikdə 900 məhkum əfv edilib.
Modern.az xəbər verir ki, bunu Milli Məclisin plenar iclasında illik məruzə ilə çıxış edən Ombudsman Səbinə Əliyeva bildirib.
"Ombudsman il ərzində məhkumların və onların ailə üzvlərinin əfv barədə müraciətlərini nəzərə alaraq, müntəzəm qaydada Azərbaycan Respublikasının Prezidenti yanında Əfv Məsələləri Komissiyasına təkliflərini göndərmiş və Komissiyanın iclaslarında iştirak etmişdir. Ombudsmanın müraciətləri əsasında ümumilikdə 900 məhkum, 2025-ci ildə isə 21 məhkum əfv edilib", - o deyib.
