İstirahət günündə baş verən nəqliyyat hadisələrinin statistikası açıqlanıb. Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi, polis polkovniki Kamran Əliyev Modern.az saytına deyib ki, bazar günü ümumilikdə 7 yol-nəqliyyat hadisəsi qeydə alınıb:
“Ümumilikdə respublikada 7 hadisə baş verib, nəticədə 9 nəfər xəsarət alıb, ölüm halı qeydə alınmayıb.
Bakı şəhərində baş verən 4 hadisə zamanı 5 nəfər xəsarət alıb. Qəzalardan 2-si maneə vurma, 2-si isə piyada vurma hadisələridir”.
K.Əliyev bildirib ki, daha 3 qəza Salyanda, Bakı-Şamaxı yolunda və Ələt-Astara yolunda baş verib:
“Salyanda toqquşma hadisəsindən baş verən qəzadır ki, bu zaman 1 nəfər xəsarət alıb. Daha 1 nəfərin xəsarəti ilə nəticələnən toqquşma hadisəsi Abşeron rayonunda, Bakı-Şamaxı yolunun 33-cü kilometrliyində qeydə alınıb. Bundan başqa Ələt-Astara yolunun 211-ci kilometrliyində, Lənkəran rayonu ərazisində 2 nəfərin xəsarət alması ilə nəticələnən yol qəzası baş verib”.
Gülşən RAUFQIZI
