Bakıda çoxmərtəbəli binada yanğın olub. Modern.az Fövqəladə Hallar Nazirliyinin saytına istinadən məlumat verir ki, Bakı şəhəri, Yasamal rayonunda çoxmərtəbəli yaşayış binasının 6-cı mərtəbəsində vətəndaşa məxsus ümumi sahəsi 83 kv.m olan 5 otaqlı mənzilin 1 otağında 5 kv.m sahədə yumşaq mebel dəsti yanıb.
Yanğın zamanı yanğınsöndürənlər tərəfindən mənzildə olan 2 nəfər xilas edilib və binadan 17 nəfər təxliyə olunub. Mənzil yanğından mühafizə olunub. Yanğın saat 19:18-də yanğınsöndürənlər tərəfindən söndürülüb.
Modern.az
