“Embawood” şirkəti bu qurumda baş vermiş dəyişiklik barədə açıqlama verib. Şirkətdən Modern.az-a bildirilib ki, “Embawood”da idarəetmənin təkmilləşdirilməsi məqsədilə təsisçilərin ümumi yığıncağında yeni idarəetmə orqanı olan Müşahidə Şurasının yaradılması qərara alınıb.
Yeni yaradılmış Müşahidə Şurasının sədri vəzifəsinə şirkətin baş direktoru Elşad Abbasov təyin edilib.
Qeyd edilən dəyişikliklə əlaqədar “Embawood”un baş direktoru vəzifəsinə şirkətdə uzun müddət maliyyə işləri üzrə direktor müavini vəzifəsində çalışan Tamerlan Kurkiyev təyin edilib.
Modern.az
