Rusiyanın Yaroslavl vilayəti ərazisində “Yak-42” sərnişin təyyarəsi qəzaya uğrayıb. Modern.az “Lenta.ru”ya istinadən bildirir ki, qəza təyyarə havaya qalxdıqdan bir qədər sonra baş verib. Təyyarənin göyərtəsində olan 45 nəfər olub.
Məlumata görə, təyyarənin göyərtəsində olanlar əsasən Yaroslavlın “Lokomotiv” xokkey komandasının üzvləri imiş. 37 xokkeyçi və 8 ekipaj üzvü Minskə uçurmuş. "Lokomotiv" sentyabrın 8-də Belarusun paytaxtı Minskdə “Dinamo” komandası ilə matçda qarşılaşmalıymışlar.
Hadisə nəticəsində 43 nəfər həlak olub, 2 nəfər möcüzə nəticəsində yaralı olaraq sağ qala bilib. Bunalrad biri ekipaj üzvü, digəri xokkeyçidir. Olayın səbəbləri araşdırılır.
Modern.az
