ASDP sədri Araz Əlizadə qətl törətməkdə təqsirli bilinən həmyerlimiz Orxan Zeynalovun Rusiya hüquq-mühafizə orqanları tərəfindən döyülməsini əks etridən kadrlara haqq qazandırıb. A.Əlizadə Modern.az-a açıqlamasında bildirib ki, Orxan Zeynalovun qətl törətməsini çox pis qiymətləndirir.
“Kiminsə evinə qonaq gedəndə, özünü ev sahibinin qoyduğu qayda-qanuna uyğun aparmalısan. Orxan Zeynalov qətl törətməklə həmyerlilərimizi təhlükə ilə üz-üzə qoyub. Onun etdiyi insani hərəkət deyil”-deyə ASDP sədri vurğulayıb.
O, Azərbaycan vətəndaşının qanunazidd olaraq döyülərək, alçaldılması barədə ictimai rəydə aparılan diskussiyanı dəstəkləməyib. “Kimsə cinayət törədirsə, ona qarşı hər cür hərəkət etmək olar”-deyə A.Əlizadə bildirib.
Aqşin Kərimov
