Mən bölgələrə qəbullara gedəndə yanıma formativ qiymətləndirmələrlə bağlı bir müəllim də gəlmir.
Modern.az xəbər verir ki, bunu “2025-2026-cı tədris ili: yeniliklər və hədəflər” mövzusunda keçirilən tədbirdə elm və təhsil naziri Emin Əmrullayev qeyd edib.
"İnsanlar sənin yanına nə üçün gəlirsə, demək onlar üçün o önəmlidir. Müəllimlər əmək müqaviləsi, maaşı, dərs saatı haqqında mübahisə edir. Amma 10 müəllimdən 7-si formativ qiymətləndirməni düzgün apara bilmir. Biz demirik ki, həmin müəllimlər pisdir, sadəcə formativ qiymətləndirməni apara bilmir və aparmağı öyrənməlidir”, - o deyib.
