Bakı şəhəri, Sabunçu rayonunda yerləşən 68 nömrəli tam orta məktəbdə tikinti işləri aparılacaq.
Modern.az xəbər verir ki, "Təhsilin İnkişafı Fondu" Publik Hüquqi Şəxsi tərəfindən elan edilmiş tender müsabiqəsi çərçivəsində mövcud məktəb binasının sökülərək yerində 528 şagird yerlik yeni binanın tikintisi başlanacaq.
Layihənin icrası üçün 1 308 688,28 (bir milyon üç yüz səkkiz min altı yüz səksən səkkiz manat iyirmi səkkiz qəpik) azn məbləğində vəsait ayrılıb.
