Bu gün Bakı Apelyasiya Məhkəməsi həbsdə olan jurnalist Eynulla Fətullayevin narkotik saxlama ittihamı üzrə Qaradağ rayon Məhkəməsinin qərarından verdiyi şikayətə baxır. Modern.az-ın məlumatına görə, proses hakim Mirpaşa Hüseynovun sədrliyi ilə olmalıdır.
E.Fətullayevin vəkili Elçin Sadıqov bildirib ki, baş redaktorun girov müqabilində həbsdən azad olunması barədə Bakı Apellyasiya Məhkəməsinə vəsatət veriblər.
Noyabrın 5-də şikayətə ilkin baxış zamanı prokuror Qaradağ məhkəməsinin E.Fətullayev barəsində azadlıqdan məhrumetmə hökmü çıxardığını, lakin həbs-qətimkan tədbiri seçmədiyini bildirib. O, məhkəmədən E.Fətullayevin barəsində həbs-qətimkan tədbiri seçilməsi barədə qərar çıxarmasını xahiş edib. E.Fətullayev və vəkili buna etiraz etsə də, məhkəmə vəsatəti təmin edib, jurnalist barəsində həbs-qətimkan tədbiri seçilib.
