Xaçmaz rayonunda ağır yol qəza hadisəsi qeydə alınıb.
Daxili İşlər Nazirliyinin mətbuat xidmətindən Modern.az saytına verilən məlumata görə hadisə martın 16-da saat 03:00 radələrində baş verib.
Belə ki, Xaçmaz rayonunun Bayoba kəndində Quba rayon sakini Zaur Mərdanov idarə etdiyi “Mercedes” markalı avtomobili yolun kənarındakı ağaca vurub.
Nəticədə onun sərnişinlərindən həmyerliləri Rövşən Babayev və Yusif Yusifov hadisə yerində ölüb, özü və 1 sərnişini xəstəxanaya yerləşdirilib. Xaçmaz RPŞ tərəfindən araşdırma aparılır.
Gülşən RAUFQIZI
